Guwahati, Nailar 08: Ka All Assam Students’ Union (AASU) ka la pynlong ia ki jingiakhih ha ka sngi Thohdieng ha kylleng ki jaka treikam jong ki district bapher bapher, da kaba pyrshah jur ia ka jingbthah ka sorkar Assam ban weng noh ia baroh ki mukotduma kiba iadei bad ka jinglong nongshong shnong pyrshah ia ki Hindu kiba wan buhai shnong beain na Bangladesh.
Ha Guwahati, ki dkhot jong ka AASU’s Kamrup Mahanagar district unit, ki la ïalum lang hakhmat ka Swahid Nyas, ha kaba ki la thang ïa ki kot ki sla jong ka jingbthah ba la pyntip bad ki la pyrta ruh ia ka jingpyrta pyrshah ïa ka sorkar.
Haba kren sha ki lad pathai khubor, u Utpal Sarma uba dei u President ks AASU u la ong, “Ka sorkar Assam kala pynmih bad bthah ia baroh ki Deputy Commissioners (DC) bad ki Superintendents of Police (SP) ban weng lut ia baroh ki case ha kaba iadei bad ka jinglong nong shong shnong jong ki Hindu kiba la wan buhai shnong beain na Bangladesh bad ia kum kane ka jingbthah kadei kaba ngin ym lah ban pdiang,”.
Shuh shuh u la ong, “Ka AASU ka ieng skhem ban pyrshah jur ia kane jingleh jong ka sorkar.Kum ka dak jong ka jingpyrshah, ngi la thang noh ia ki kot ki sla ba la bthah sha baroh ki jaka trei kam jong ki district mynta ka sngi.Ngin pynpaw biang ia ka jingpyrshah ha kaba iadei bad ka CA bad dawa ba ka sorkar kadei ban weng noh ia kane ka rai kaba iada ia baroh ki Hindu na Bangladesh ba wan beain hapoh ka Foreigners’ Tribunals.”
Shuh shuh u Sarma u la pynpaw ba ka AASU kan dawa biang ia ki mat jingdawa jong ka bad ban pyntrei kam pura ïa ka Assam Accord, da kaba ong, “Tang kito kiba la wan rung sha Assam ha shwa ka 24 tarik u bnai Lber jong u snem 1971-khlem da khein ia ka niam kiba la lah ban ioh ia ka jinglong nong India bad kino kino kiba wan hadien jong katei ka tarik , la ki long ki Hindu ne Muslim dei ban ithuh bad beh krad ia ki, bad kane kadei ka nongrim kaba ngi ieng.”
U la pynkut da kaba ong, ka jingiakhih kan iai bteng ha kylleng jong ka jylla tad haduh ka sorkar kan weng noh ia katei ka jingbthah bad kan pynneh ia ka jinglong kyntang jong ka riti synshar bad ka histori jong ka Assam Accord.
 ka la pynlong ia ki jingiakhih ha ka sngi Thohdieng ha kylleng ki jaka treikam jong ki district bapher bapher, da kaba pyrshah jur ia ka jingbthah ka sorkar Assam ban weng noh ia baroh ki mukotduma kiba iadei bad ka jinglong nongshong shnong pyrshah ia ki Hindu kiba wan buhai shnong beain na Bangladesh.){kind=link}