Guwahati, Naiwieng 10: Ka All Assam Computer Teachers’ Association hynne ka sngi Thohdieng, kala sdang ia ka jingiakhih ba lai sngi ha Chachal Guwahati ban dawa ha ka ban ioh jingithuh ba pura iaka kam ba ki trei bad haka juh ka por ban siew ka tulop kaba biang bad kiwei kiwei de.
Ka All Assam Computer Teachers’ Association kala kynnoh baka tnat State Education kala pulom ban pynurlong iaki jingdawa kaba la buh jingeh iaki ha bun rukom.
Hynrei la ioh jingtip ba kila weng noh iaka jingikahih hadien ba kila ioh ka jingkular baka sorkar kan sa leh eiei halor ki mat jingdawa.
Kila pynpaw baka All Assam Computer Teachers’ Association kila ialeh katba lah ban kyntiew iaka pule puthi haka liang ka Sobjek Computer hapoh Assam wat hapdeng ka jingsiew kaba rit bha bad hadien 2017 kila kut noh ka jingioh jingithuh haka kam ba ki don kaba la buh jingeh iaki bad iaki samla pule haka liang Sobjek Computer.
Hadien 2017, ka sorkar Assam kala thungkam biang iaki 1348 lyngba ka Banikanta Kakati Computer Literacy Programme naka bynta ban hikai iaki khynnah Class IX haduh X.
Nalor ka jinghikai iaka Sobjek Computer, kine ki nonghikai kila don bynta ruh haka ban pyndap Form Online, Online Registration hynrei ka jingsiew jong ki kala sahkut beit hapoh ka kyrdan Grade IV employees.
