spot_img

Assam | Dawa ki Khristan ban leh eiei pyrshah ia u Nongialam VHP ba kynnoh khaii droks ki Balang

Date:

Share post:

Guwahati, Naiwieng 06 : Lai tylli ki seng Khristan kila iaphah lang ia kawei ka jingujor sha ki bor District ka Dima Hasao, ba dawa ban leh eiei kat kum ki kyndon ain pyrshah ia u Nongialam ka VHP Surendra Jain halor ka jingkynnoh ba ki Balang ki donkti ha ki kam khaii droks.

Kine ki Seng kim shym la batai shai ia ki jingkren u Jain hynrei kila batai ba ka jingujor ka dei kaba la mudui ban phah ia ka khubor ia ka jingsngew kyndit, jingmong bad jingsngewsih halor ki jingkynoh u Jain ba pyrshang ban pynthohbria ia ki paid Khristan.

Kane ka jingkren u Jain ka dei kaba la jia ha ka jingialang plie ia ka Joya Thaosen Computer Learning Centre ha Haflong myn ha ka 27 tarik Risaw.

U Jain ula ong “Mynta nga sngewthuh ba ka kam khaii droks ka dei kaba la leh da ki Balang ha ka lynti kaba heh bha. Ha kawei ka liang,ki Balang kila pynjot ia ka kolshor, niew bein ia ki dustur bad jingngeit hangne bad pynjot ruh ia ka jingim jong ki briew hangne”.

Ula bynrap “Ka jingpynkylla niam ka dei ka jingeh, ngi la leh eiei ia ka hynrei ngin sa ong ruh ia ki Balang ba katba ki Khristan ki dang long laitluid ban bud iala ka niam, kano kano ka jingpynthut ia ka suk ka sain, jingbym burom ia ki jingngeit kiwei,lane donkti ha ki kam khaii droks, ki dei kiba ka imlang sahlang kan ym sngap jar satia”.

Ka mudui jong kine ki seng Khristan kala pynrem ia ka jingkren u Jain bad ong ba ki dei kiba khlem nongrim bad ka bym lah satia ban pdiang haba pynksan ba kum kine ki jingkren, ki wahrah ia ka jingbym shaniah, jingpyniapait iapra bad pynjot ia ka jingialong kawei bad ia imsuk imsain jong baroh ha Assam bad ka Ri baroh kawei.

Share post:

spot_img
spot_img

Popular

More like this
Related

Bate kam u CM ia ki 8 ngut ki Myntri thymmai | Ioh u Bah Metbah ia ka Power, Lakmen ia ka Education

Shillong, Nailur 17 : U Myntri Rangbah ka Jylla...

Metbah gets Power, Timothy Tourism as CM allots portfolios to new Ministers

Shillong, Sept 17: Meghalaya Chief Minister Conrad K Sangma...

“Kam pher kano kano ka kyrdan ba nga bat, ngan iai shakri beit ia u paidbah”: Lahkmen

Shillong, Nailur 16 : U MLA ka UDP na...

Plie u CM ia ka Taraghar ba thymmai ban ai jaka sah ia ki heh ki hain ba wan sha Jylla

Shillong, Nailur 16 : U Myntri Rangbah ka sorkar...