Guwahati, Nailar 28: Ka Opposition Unity Forum (OUF) kala thalain tyngeh ia u Myntri Rangbah ka Assam Himanta Biswa Sarma bad dawa ia u Lat ka Assam bad ka President ka Ri ban weng noh ia u na ka shuki namar ki jingkynthoh pyrshah niam ba long be-riti bad pyniasyriem ialade kum u ksew khlehbiej.
Ha ka 28 tarik Nailar, ka OUF kan ujor da ka ejahar ha Dispur Police Station ba dawa ban leh eiei kat kum ka ain pyrshah ia u Myntri Rangbah namar ka jingkynthoh pyrshah niam hapoh bad shabar ka Iingdorbar Thaw Ain, ban kynshoit ia ka jingthma pyrshah niam.
Haba kren sha ki lad pathai khubor, u President ka OUF Bhupen Kumar Bora ula ong “Kala paw shai ba u Myntri Rangbah Himanta Biswa Sarma u donkti ha lyndet ka jingiakynad ha Sivsagar. U President ka BJP Sivsagar District ula shim ia ka sien jam bad byrngem ia ki jaidbynriew ritpaid khamtam ki ‘Miya’Muslim ka Sivsagar.
“U Myntri Rangbah ula pyrshang ban kynshoit ia ka thma iapher Jaidbynriew ha Assam da kaba kren shun ia ki Miya Muslim. Ula leh ia ka kam ban pyniapait iapra ia ki paidbah tang namar ki jingmyntoi ha ka kam sain pyrthei. Ka Anti-Oikya Forum kan dawa ia ka jingtohkit halor ka spah bym don jingkhein jong u Myntri Rangbah bad ka Iing ka sem jong u lyngba u Judge ka Iingkashari Supreme Court” ong u Bora.
U Lurinjyoti Gogoi ula ong,” U Myntri Rangbah Himanta Biswa Sarma u dei u briew ba khleh biej bad ka Assam kam long satia kaba sngain ha ka kti jong u. U Himanta um kwah satia ia ka jingshngain bad jingiada ia ki trai jylla ka Assam hynrei ula pynlong ia ka pateng ba thymmai ka Assam ha ka jingbym tip shuh shano ban poi bad ula iai pyrshang ban wanrah ia ka jingiakynad hapdeng ki Hindu bad ki Muslim”.
U MP Rakibul Hussain ula ong, “Hadien ka jingshah rem ha u Badruddin Ajmal, u Myntri Rangbah ula bakla ha ka lynti iaid. Um kwah satia ba kan don ka jingpynbeit ia ki jingeh jong ka Khilanjia”.
Ha kajuh ka por, ka OUF kala shim ruh ia ka rai ban mudui ia ka Impeachment Motion pyrshah ia u Myntri Rangbah ka Assam da ki jingtip kiba thymmai.
 kala thalain tyngeh ia u Myntri Rangbah ka Assam Himanta Biswa Sarma bad dawa ia u Lat ka Assam bad ka President ka Ri ban weng noh ia u na ka shuki namar ki jingkynthoh pyrshah niam ba long be-riti bad pyniasyriem ialade kum u ksew khlehbiej.){kind=link}