Shillong, Nailar 28 : U Myntri Rangbah ka Jylla Conrad K Sangma, u dang don mynta hapdeng ka jingsumar na ka jingioh pang ‘Niang Soh-Ot’ bad Typhoid.
U Myntri Rangbah ula kham ioh bor bad nang kham khlain bad ula pyrshang katba don ki lad ban ioh noh ia ka jingkoit lyngba ka jingtista ban dih dawai bad pynbiang ia ka bam ka dih.
Ki Heh Doktor nalor ka kynhun ki Doktor Specialist na Civil Hospital, Shillong bad NEIGRIHMS, kila leit jngoh ia u Myntri Rangbah hynne ka sngi Balang hapoh ka Iingsah jong u, ban peit thuh ia ka koit ka khiah bad ka jingtreikam ki dawai.
Kan shong ha ka jinglong jingman ka koit ka khiah ka met, u Myntri Rangbah u lah ruh ban pyrshang ha ka ban leit iashimbynta ha ka Dorbar Synrai ka Iingdorbar Thaw Ain, jong kine ki sngi ba dang sah.
