Guwahati, Nohprah 03: Kawei ka ktem jong ki shipai CISF kaba don ha ka thain Sarupathar jong ka Upper Assam Golaghat, ka la shah byrngem hiar thma ha ka kynhun lehnoh NSCN (K) ka Jylla Nagaland.
Ka NSCN(K) kala hukum ia ka Outpost CISF kaba pahara ia kawei ka jaka jong ka Oil and Natural Gas Corporation (ONGC) ba ka dei ban mih noh na kane ka jaka lem kumta ka kynhun kan hiar thma.
La iathuh ba ka kynhun jong ki kaikhlaw kiba don kumba 10-12 ngut ki la leit sha ka KHBI Outpost, bad dawa ban mih na kane ka jaka. Kane ka Outpost ka don ha ka Disputed Area Belt (DAB) kaba don ha khappud ka Jylla Assam-Nagaland, kaba dang dei ruh ka jaka iakajia.
Ki kaikhlaw ki la kdew ia ka jingbthah jong ka Sorkar Nagaland ban khang noh ia ka jingtrei umphniang jong ka ONGC ha katei ka thain kum ka daw jong ka jingdawa jong ki ban mih na kane ka jaka. Kane ka jingbyrngem ki kaikhlaw kala pynsyier bha ki shipai ka CISF.
Mar ia ioh jingtip ba shah byrngem, ki CISF ka la pyntip sha ki bor pahara kynthup ia u Superintendent ka Golaghat, CRPF battalions 155 bad 142 bad sha Uriamghat Police station.
Ka Sorkar haba ioh jingtip ia kane ka jingshah byrngem, ka la phah mardor ia ki bor pahara bad la pynkhlain ia ki lad jingiada, da kaba pynpoi shuh shuh ia ki briew sha katei ka jaka sah.
Ki jaka sah jong ka CISF kiba don hajan, kynthup ïa ka KGP-1 (3 km ka jingjngai), bad ki kynhun na ka CRPF bad ki pulit kiba la ïatreilang ban pynkhlaiñ ïa ka jingïada.
 kala hukum ia ka Outpost CISF kaba pahara ia kawei ka jaka jong ka Oil and Natural Gas Corporation (ONGC) ba ka dei ban mih noh na kane ka jaka lem kumta ka kynhun kan hiar thma.){kind=link}