Guwahati, Rymphang 14 : U Myntri ka Ministry of Road Transport & Highway Nitin Gadkari ha ka sngi Ba-ar, ula pyntip ba ka Ministry kala pyllait ia ka song pisa ba T. 382.10 klur ban shna ia ka Highway Two Lane ha Assam ka ban pyniasoh ia ka Majuli bad ka Jorhat District.
U Myntri ula ong ba kane ka surok bad ka jingkieng Majuli kan pynthikna ia ka jingbiang ki lad pyniasoh bad kan kyntiew ruh ia ka rukom im jong ki trai shnong nalor ka jingkyntiew ia ka kam shang sawari.
Ula ong ba ia mynta ki nongshongshnong ki dang shaniah beit ia ki lieng ban jam ia ka wah Brahmaputra, kaba buh ia ka jingsngewkhia kaba jur halor ka jingshngain ki briew khamtam eh ha ka por ba shlei um ka Brahmaputra.
