Arunachal Pradesh: Hiar leit wad ka NDRF-SDRF ia ki Nongleh niam ba iap jyllop ha Parsuram Kund

Guwahati, Nailar 27: Ka National Disaster Response Force (NDRF) bad ka State Disaster Response Force (SDRF) kila pynlong ia ka jingwad paidbah ban lap ia ki lai ngut ki nongleit lehniam kiba ngam jyllop hapoh Parsuram Kund ha ka sngi Thohdieng.

Ka Parshuram Kund ka dei kaba don hapoh ka Kamlang Reserve Forest jong ka Lohot District ka Arunachal Pradesh. Kane ka Kund ka dei kaba shah taiew da ki khlaw ba rben jong ki dieng Ruddraksha, ia uba u soh jong une u dieng la khein kyntang da ki Hindu.

Ka Arunachal Pradesh kala sakhi ia ka jingioh ia u slap ba jur bad ka jingtwa khyndew ha kylleng ki jaka ha kine ki khyndiat sngi bala leit noh. Ka wah Lohit kala kiew sha u pud ba ima bha.

U Ophisar ka Lohit District Disaster Management Damchen Norbu u pyntip b aka SDRF kila leit wad ia kine ki briew sha ki bynta ba shahneng jong ka wah Lahot kaba don marjan ha Demwa katba ka NDRF kala wad sha ki bynta ba sharum marjan ka Jingkieng Lohit kaba don ha Alubari. Hynrei, ka umsaw kala pynlong ia kane ka jingwad kaba pulom.

Kat kum ka khubor, kine ki laingut kiba dei nakajuh ka iing na Kakopathar jong ka Tinsukia District ka Assam, kila shah rong ha ka wah Lohit. Kine ki laingut ki kyrteng u Manoj Shah, ka kurim ka Shobha Debi bad ka Kiaw kurim.

Katba u Khun ba 12 snem lem bad u Kthaw ki dang iadon sharud jong kane ka wah ha ka por ba jia kane ka jingrong ka umsaw ia kine ki laingut.

Ha kajuh ka por, ki bor pyniaid district ka Lohit kila kyrpad ia ki nongleh niam ba kin kiar na ka jingleit sha Kund ha kane ka por ba dang shlem um khnang ban lait na kino kino ki jingjia kiba sngewsih.

Also read: Hiar leit jngoh ka Myntri Khynnah ia ki kam pynroi ka Sorkar Pdeng ha EJH

WATCH:

Ka rynsan khubor digital ba pura ka Meghalaya da ka ktien Khasi.

Balei ban ap ia ka lashai, haba ki khubor ki mih mar syn jia!

Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!