Itanagar, Jymmang 08 : Ka BJP jong ka Arunachal Pradesh ha ka sngi Ba-ar, kala beh seng haduh 28 ngut ki Nongialam kiba mih ban iakhun ia ka elekshon MLA ba long ha ka 19 tarik Iaiong, pyrshah ia ki kyrtong bala pynieng da ka party.
Kine ki Nongialam ba shah beh seng ki dei kiba shah pynduh ticket na ka party bad kila mih ban iakhun ia ka elekshon na ka ticket jong ka National People’s Party (NPP), ka Nationalist Congress Party (NCP), ka People’s Party of Arunachal bad kum ki kyrtong shmet.
Ka BJP State Disciplinary Action Committee ba khlieh da u Tarh Tarak ka ong ba kine ki nongialam kila shah beh na ka party haduh hynriew snem.
Ka BJP kala pynieng haduh 60 ngut ki kyrtong ha ka jingiakhun ia ka elekshon MLA ha Arunachal Pradesh ha kaba 10 ngut kila jop lypa khlem da don ki nongialeh pyrshah.
, ka Nationalist Congress Party (NCP), ka People’s Party of Arunachal bad kum ki kyrtong shmet.){kind=link}