Shillong, Jymmang 08: Ka Meghalaya Board of School Education (MBoSE) hynne ka sngi Balang kala pyllait iaka Result jong ka Higher Secondary School Leaving Certificate (HSSLC) ne Klas XII Science bad Commerce 2024.
U samla Sohan Bhattacharjee jong ka Laban Bengalee Boys Higher Secondary School ula ioh iaka kyrdan kaba nyngkong eh ha ka HSSLC Science.
Katba ka samla Ferry Filarisha Wann jong ka St Mary Higher Secondary School ka la bat iaka kyrdan kaba nyngkong haka Commerce.
Ha ka HSSLC Science, u samla Sohan ula ioh 483 marks bad ioh distinction ha ki 6 tylli ki subject. Une u samla ula ioh ruh haduh 100 na ka 100 ha ka sobjek Mathematics bad ka Physics.
Uba wan ba-ar u dei u Gordon Kupar Nongbri jong ka St Edmunds Higher Secondary School uba ioh 476 marks bad distinction ha ki 6 tylli ki sobjek bad u Ar Meker Marpna na St Anthony Higher Secondary School ula wan balai da kaba ioh 471 marks bad distinction ha ki 6 tylli ki sobjek.
Ha ka HSSLC Commerce, ka sama Ferry Filarisha Wann kala ioh 472 marks bad distinction ha ki 6 tylli ki sobjek.
Kumjuh ruh kane ka samla kala ioh 100 na ka 100 marks ha ka sobjek Mathematics bad Accountancy. Kala ioh ruh haduh 94 na ka 100 marak ha ka sobjek Khasi (MIL).
Uba wan ba-ar u dei u Raj Paul jongka St Anthony Higher Secondary School ula wan baar bad ioh 463 marks bad distinction ha ki 6 tylli ki sobjek bad u Pongkock Dutta jong ka Laban Bengalee Boys Higher Secondary School ula wan balai bad ioh 458 Marks bad distinction ha ki 6 tylli ki sobjek.
Ka jingpass jong ki samla ha ka science stream ka kot haduh 85.24% katba ha ka commerce stream ka kot 80.26%.
Haba khein na ki District, ka South West Garo Hills ka dei kaba don bun eh kiba pass kaba kot haduh 100 % ha ka science stream bad la bud da ka East Jaintia Hills kaba kot 95.92% katba kaba duna eh ka dei ka East Garo Hills kaba kot 68.46%.
Ha ka commerce stream pat, ka District kaba don bun eh kiba pass ka dei ka West Khasi Hills kaba kot 100% bad la bud da ka East Jaintia Hills kaba kot 97.50% katba kaba duna duh ka dei ka South West Garo Hills kaba kot 60%.
 hynne ka sngi Balang kala pyllait iaka Result jong ka Higher Secondary School Leaving Certificate (HSSLC) ne Klas XII Science bad Commerce 2024.){kind=link}