Shillong, Risaw 24 : U Myntri ka Tnad Social Welfare Bah Paul Lyngdoh ha ka sngi Palei, ula pynpaw ba u don ka jingkhmih lynti ban iatreilang bad u MP ka VPP na Shillong Ricky AJ Syngkon halor ki katto katne ki kam kiba ktah ia ka Jylla bad ki Nongshongshnong.
Haba iakren bad ki nongthoh khubor, u Bah Paul ula pyntip ba ula iakynduh ia u Bah Ricky bad ioh ia ka jingiakren kaba seisoh.
“U MP u kwah ia ngi ban iatreilang ha kiba bun ki kam khamtam ha ki kam bha lang ka imlang sahlang haba khmih ia ki jingeh kaba ngi mad na ka jingjyllei ki nongdih droks bad jingkhaii droks bad ruh ka jingdon bun ki Longiing ba khlem kpa. Ula ai ia ki katto katne ki jingai jingmut” ula iathuh.
“Nga la sngap bha ia ki jingkren jong u bad nga khmih lynti ban iatreilang bad u halor ki katto katne ki kam kiba ktah ia ka bha ka miat jong ka Jylla” ong u Myntri.
