Shillong Lber 31: Ka Ministry of Rural Development jong ka Sorkar Pdeng, hynne ka sngi kala aiti iaka bhah tyngka kaba kot T.412 Klur tam na ka bynta ban shna ia ki surok ha ka jylla Meghalaya lyngba ka PMGSY III.
U Symbud Myntri Rangbah ka jylla uba khmih iaka Tnad PWD (R&B) u Bah Prestone Tynsong ula pynpaw haka Facebook ka jong u, iaka jingsngewtynnad ban ioh pdiang na u Additional Secretary jong ka Ministry of Rural Development u Ashish Kumar Goel, iaka Sanction Letter kaba la mang T.412.34 Klur ban shna ia ki surok ha ka jylla.
U Bah Prestone ula pynpaw iaka jingsngewtynnad ba ka jylla Meghalaya kala ioh pdiang ia katei ka bhah tyngka na ka bynta ka PMGSY III ban shna iaka surok kaba jrong 443 Kilometer ha ka jylla.
Pule lang ia kane: Pyndep u Samla Khasi ia ka jinghikai pyntbit hapoh ka Club Manchester United
