Shillong, Lber 02 : Ka Iingkashari Meghalaya High Court ha ka sngi Nyngkong, kala aipor lai taiew ia ki bor Sorkar ba kin tyrwa ia ki sienjam kiba khlain ha kaban iakhun pyrshah ia ka jingdih droks hapdeng ki Khynnah ha ka Jylla.
Haba pynmih ia ka hukum haba shong bisahr ia ka PIL bala ujor da u Mewaker Lyngdoh, ka Division Bench ba kynthup ia ka Chief Justice Revati Mohite Dere bad Justice W Diengdoh, kala kdew ba u Chief Secretary ka Jylla ula thung ia ka Monitoring Committee ha ka 16 tarik Nohorah, 2025, kaba la sjong ia ka jingialang ba nyngkong hadien lai sngi.
U Additional Advocate General ula pyntip ba ka Committee kan sa ai ia ki jingai jingmut haba iadei bad ki kam ban leh hapoh k alai taiew, ban sdang ia ka jingiada bad jingpyrshang ban ai jingiarap.
Ka Iingkashari kala ailad ia u nongmudui ban pyndonlang ia ki Custom, ki Border Security Force (BSF) bad ki Narcotics Control Bureau kum ki liang mamla ba shah mudui.
U DSGI Dr N Mozika ula pdiang ia ka notice bad pan por ban shim ia ki jingbthah.
Ka Iingkasahri kala buh ban bishar biang ia kane ka mukotduma ha ka 7 tarik Iaiong, haba bthah ia ki nongshah mudui ba kin ai ia ki kaiphod halor ki sienjam ba kila pyntreikam ban leh eiei halor ka jingdih droks bad ka sienjambala shim ban ai jingiarap ia ki nongdih droks.
Ki shipai BSF kila file ia ka affidavit, kaba la pynrung lang ha ka jingthoh ka Kashari.
