Shillong, Nailur 13: Ka All Meghalaya SSA School Teachers’ Association (AMSSASTA) bad ka All Garo Hills SSA School Teachers’ Association (AGHSSASTA) ki la aipor iaka Sorkar Jylla ba kan mynjur pynkiew noh ia ka tulop jong ki nonghikai SSA ha Meghalaya hapoh ka 30 tarik Nailur.
Ki nonghikai SSA kila byrngem ba lada ka Sorkar kam lah ban pynurlong iaka jingdawa kin pynlong ia ka jingiakhih kaba khlem buh por ha ka jylla baroh kawei.
Ha ka shithi sha u Myntri Rangbah ka jylla u Conrad K Sangma, u President ka AMSSASTA Bah Peter Thyrniang bad u President ka AGHSSASTA Labingstone G Momin ki la ong, “Haduh mynta ngim pat ioh kano kano ka jubab na ka Sorkar halor kane ka mat ba kongsan kaba la neh mynta la 8 snem. Baroh ngi tip ïa ka jinglong jingman jong ka jingkiew dor ki mar bam mynta namar kata, ngi dawa ba dei ban pynkiew noh iaka tulop jong ngi ha ka por kaba kloi tam da kaba pynkiew ym duna ïa ka 100 percent bad katkum ka jingpynkylla ha ka rukom siew tulop jong ka Sorkar jylla.”
“Kumta ka Resolution ba la shim haka jingïalang jong ka CEC ka seng AMSSASTA bad AGHSSASTA bala pynlong ha ka 7 tarik Nailur ha Mt Hermon Higher Secondary School Nongstoin, ngi dawa na ka Sorkar ba ka dei ban pynkiew noh mardor ïa ka tulop jong ki nonghikai SSA ha Meghalaya hapoh ka 30 tarik Nailur” ki la ong.
Ka AMSSASTA bad ka AGHSSASTA ki la maham ba lada ym lah ban pynurlong ia ka jingdawa haduh ka 30 tarik u Nailur, ki nonghikai kin pynlong ia ka jingiakhih khlem buh por ha ka jylla Meghalaya baroh kawei.
 bad ka All Garo Hills SSA School Teachers’ Association (AGHSSASTA) ki la aipor iaka Sorkar Jylla ba kan mynjur pynkiew noh ia ka tulop jong ki nonghikai SSA ha Meghalaya hapoh ka 30 tarik Nailur.){kind=link}