Shillong, Nailur 09 : U Symbud Myntri Rangbah Bah Sniawbhalang Dhar ula pyntip ba ka Sorkar Jylla kala aipor haduh ba kut jong u bnai Nailur ia ka Harijan Panchayat Committee (HPC), ban pynkynriah ia ki 342 tylli ki Longiing na Them Metor, Them Iew Mawlong.
U Symbud Myntri Rangbah ula ban jur ba ka Sorkar Jylla kala kut jingmut shisha ban pynbeit ia ka jingpynkynriah ia ki briew kiba sah ha Them Metor khlem da pynslem shuh.
Haba iakren bad ki nongthoh khubor ha ka sngi Nyngkong, u Bah Sniawbha ula pynshai ia ka jingiakren kumba ka long mynta bad ka HPC bad ong “Ha ka jingialang ba khatduh, kila kyrpad ban aipor sa 15 sngi, ngi la mynjur. Hadien, kila pan por biang tad haduh ka taiew ba kut u Nailur. Ngi la dep iakren ia ka bad u Chief Secretary, un sa shong jingialang bad ki ha kaba kut jong kane ka taiew”.
Haba kylli la kane ka jingiai pan por ka HPC kam dei ka buit ban pynslem ia ka kam, u Bah Sniawbha ula kyntait ia kane bad ong “Kane kam dei ka buit pynslem” bad bynrap “Kila pan por haduh ba kut u Nailur ban iakren ia kiwei kiwei ki kam. Ngi la ai ha ki ia ka por. Ka jingialang ban wan kan ym long shuh ha ka kyrdan jong nga ne u Symbud Myntri Rangbah Bah Prestone Tynsong, hynrei kan long noh ha ka kyrdan u Chief Secretary”.
Kane ka long halor ka jingpynsngew jong ka Iingkashari Meghalaya High Court halor ka jingiai bteng ban pynslem ia ka jing pynkynriah ia ki Longiing na Them Metor.
, ban pynkynriah ia ki 342 tylli ki Longiing na Them Metor, Them Iew Mawlong.){kind=link}