Shillong, Nailur 09 : Shad kmen ki riew ieid jingrwai, u nongrwai ba pawnam ka pyrthei, Akon ula pynthikna ban wan rwai ha India ha ka rynsan jong ka Shillong Cherry Blossom Festival la 16 tarik Naiwieng, 2024.
Kane ka concert bala ap khmih lynti la slem bah da ki paidbah ka dei shibynta jong ka festival ka ban sakhi ruh ia ka jingwan rwai ki kynhun ba pawnam kum ka Boney M bad R3HAB, ki ban iatem ha ki sngi bapher bapher.
Ka concert ban pynlong da ka Rockski EMG ha ka jingiatreilang bad ka Akon’s Company, Konvict Touring, kan dei shibynta jong ka Akon’s “Superfan Tour”, kaba kynthup ia kawei ka concert ha kawei ka Ri ha dewbah Asia kibann long hapdeng u Naiwieng bad Nohprah.
Ka Cherry Blosson Fesival ka don ia ka khana ia ka jingwan tem ki kynhun bapher bapher bad kaba la khring bha ruh ia ki riewieid jingrwai na kylleng ka thain Shatei Lam Mihngi bad ka Ri ha ki snem bala leit noh.Ha u snem bala lah, ka festival kala sakhi ia ka jingwan rwai u Ne-Yo bad Ronan Keating, kaba la khring ia u paidbah byllien.
Ka Festival u snem 2024 kan kham long pher namar kan kynthup ia ka Farwell Tour jong ka kynhun rwai ba pawnam bha ka Boney M.
Ia ki ticket sha ka Cherry Blosson Festival la lah ban ioh mynta na BookMyShow.com, kaba ka dor ka sdang na ka T. 3299 ia ki riew paidbah bad T.8,999 ia ki VIP.
