Nongstoin, Nohprah 19 : Ka Hynniewtrep Youth Council-Lai Lyngdoh hynne ka sngi nyngkong kala sam ia ka khusnam Soso Tham Tur Shaphrang Award-2022 sha ki samla pule kiba pass bha ha ki eksamin bapher bapher.
Ia kane ka jingsam khunsnam la pynlong ha ka hall jong ka Joel Gatphoh Memorial Hr. Secondary School, Nongkynjang bad la pynshongkun ia ka da ka jingiadonlang u President ka sengkmie Bah Robertjune Kharjahrin.
Ki samla kiba la shah pynkup burom ha kane ka sngi ki kynthup ia u samla Donkupar Kharbani PhD Chemistry, Holdingstone Kharbani PhD Zoology, Skhemborlang Rmait MSc, Jylliewkupar Kharbani BSc, Meridalin Kharbani BSc, Fencykerlin Lyngdoh Marshillong BSc, Iaraplang Lyngkhoi B.Com, Iaiddonbok Nongkseh BA, Cherisfield Lyngdoh Marshillong HSSLC, Streamfulness Lyngdoh Rngaid SSLC, bad ia U Samla Wallamkupar Kharbani uba dang pule MBBS ha NEIGRIM Shillong.
U Bah Robertjune haba kren ha ka jingialang ula ong b aka HYC Lai Lyngdoh ka dei ka Circle kaba trei shitom eh ha ki kam ka Jaidbynriew.
“U Myllung Soso Tham u kyntu iangi ban khih ban trei, wat la ngi la stad ngi donkam ban trei bha naduh ha ki Shnong ki Balang bad ka Jaitbynriew” ula ong haba pynpaw ba ka Jaitbynriew ka donkam ban saindur iaka lawei kaba hap ban tynrong da kane ka pateng ba mynta.
