Shillong, Naiwieng 02 : U Myntri Rangbah ka Jylla Conrad K Sangma, ula ai khublei Shad Nongkrem ia baroh ki Nongshongshnong ka Meghalaya haba pynpaw ia ka jingkyrmen ba kane ka sngi kan nang pyniatylli ia ka jaidbynriew bad synniang sha ka jinghongsuk shongsain hapoh ka Jylla.
Haba thoh ha ka X, u Myntri Rangbah ula kren halor ka jinglong kyrpang jong ka ‘Shad Nongkrem’ ne ka jinglehniam Pomblang. Ula pynpaw ia ka jingkyrmen ba kane ka sngi kan nang pyniatylli hapoh ka Jaidbynriew bad noh synniang ban kyntiew ia ka jingshong suk shongsain hapoh ka Jylla Meghalay bad ka Ri baroh kawei.
Ula ong “Ka Shad Nongkrem ne Nongkrem Dance ka dei ka jinglehniam kaba heh bha, kaba rakhe ia ka jinglong kyrpang jong ka lehniam tynrai jong ki Khasi. Ai ba kane ka Sngi kan nang tehsong ia ka Jaidbynriew bad wanrah ia ka jingshongsuk shongsain hapoh Ka Jylla bad ka Ri”.
“Nga ai khublei Shad Nongkrem kaba kmen ia ki paidbah ka Meghalaya” ula bynrap.
'Shad Nongkrem' or 'Nongkrem Dance' is a grand carnival that celebrates the uniqueness of the Khasi culture. May this day establish strong bonds among the community and restore peace and harmony in our State and country.
Wishing the people of #Meghalaya a happy #ShadNongkrem! pic.twitter.com/OuUkoMe7on
— Conrad K Sangma (@SangmaConrad) November 2, 2023
Mynta u snem, ka Pomblang ne Shad Nongkrem kala long ha ka 1 tarik bad 2 tarik Naiwieng.
