Shillong, Jymmang 08: Ka Federation of Khasi Jaintia and Garo People (FKJGP) Education Cell ka ai khublei ia baroh ki khun samla ka bri u Hynniewtrep kiba la pass ha ka exam HSSLC ba dang shu dep.
Ka kyrwoh na u Education secretary ka FKJGP u samla Pynshai Kharbani ka ong “Ka seng ka ai khublei ia kiba lah ioh ban kheit ia u soh jong ka jingtreishitom jong ki. Kane kam pat dei kaba kut hynrei ki dang bun ki mawjam ba kin dang hap iaid shakmat ban poi shaka thong jong ka jingjop”.
Nalor kane ka seng ka ai jingkyrkhu kyrdoh bad kitbok kitrwiang ia baroh ba kin nang iaitrei shitom ha ki jingiaid lynti ha ki kyrdan pule bapher bapher.
“Khatduh khatwai ka seng ka kitbok kit rwiang sa ia ki ba dang ap resol ha kiwei pat ki bynta kum ka HSSLC Arts bad SSLC ba ki ruh kin ioh ia u soh ba bha” la ong ka kyrwoh.
