Shillong, Kyllalyngkot 14: Ka Dalmia Cement (Bharat) Limited, kaba dei ka karkhana pynmih dewbilat ba pawkhmat ha ka Ri India ryngkat bad ka Dalmia Bharat Limited (DBL), kala rakhe ia ka jingdap 11 snem jongka ha ka thaiñ North East ha ka Sngi Saitjaiñ da kaba ai iaka khusnam ‘Young Achievers Award’ sha ki 6 ngut ki nongshong shnong ka thaiñ shatei lam mihngi.
Kum ka jingrakhe ia ka jingdap snem, ka Dalmia Cement kala pynlong ia ka jingsam khusnam kaba la tip kum ka ‘Young Achievers Award’ ba man la u snem, ha kaba 6 ngut ki samla donsap ka thain North East kila shah pynkup burom.
Ia kine ki khusnam la sam da u Padmanav Chakravarty, Regional Manufacturing Head, North East nalor kiwei pat ki heh ophisar.
Ia kiba la jied pynkup burom la shim na ka jinglah jong ki ban leh bha ha ki kam bapher bapher kum ki jingïalehkai sports, ki phlim, ka put ka tem, ka science, ki jingseng kam khaii bad kam ai jingshakri dalade hi
Ha une u snem kiba la shah pynkup burom ki long :
1 Innovation (Technology) Prakash Sutradhar Assam
2 Sports (Archery) Tutumoni Boro Assam
3 Films (Filmmaking) Dominic Sangma Meghalaya
4 Sports (Volleyball) Prathana Gogoi Assam
5 Music (Singer) Taba Chake Arunachal Pradesh
6 Sports (Athlete) Mehdi Hassan Assam
