Shillong, Nailar 24: U President ba dang shu shong thait jong ka FKJGP Bah Wellbirth Rani, hynnin ka sngi ula ai jingiarap da ka song pisa ba kot haduh T. 50 hajar sha ka Village Organisation (VO) jong ki Self Help Group ka Tyrsad Umkseh.
Une u Nongialam barim ka FKJGP uba la pyniasoh ialade sha ka seng United Democratic Party (UDP) ula ai ia kane ka song jingiarap kum shibynta ban iadonlang bad ki Self Help Group ka thain ha ka jingrakhe ia ka jingdap shisnem jong ka VO.
Kiba la iadonlang ha kane ka sngi ki kynthup ia ki Nongpynaiid Shnong, ki Rangbah Shnong bad kiwei kiwei ki riew rangbah jong ka thain.
Lah ban kdew hangne ba u Bah Wellbirth u dei uwei na ki Nongialam Sengbhalang uba don ia ka jingthmu ban mih aireng ha kane ka elekshon MLA-2023 na Mawphlang Constituency.
