Tura Nailar 17: Ka iingkashari jong ka Chief Judicial Magistrate, Tura hynne ka sngi Balang, kala ai bor biang ia ki pulit ba kin tohkit sa 6 sngi ia u Vice President jong ka BJP Meghalaya Unit u BJP Bernard N Marak ( Rimpu) uba long ruh u MDC ka Tura.
Da kane ka hukum kaba la pynmih thymmai da ka iingkashari, kala pynlong ia u Bernard ban shah tohkit ha ki pulit haduh 26 sngi.
Hadien ba u la shah kem na Uttar Pradesh, nyngkong eh la phah ban shah tohkit ha ki pulit haduh 14 sngi ha kaba iadei bad ka jingshah batbor kawei ka khynnah kynthei haka Farmhouse jong u Bernard.
Haba katei ka 14 sngi jong ka jingtohkit ki pulit kala kut noh, ka iingkashari kala phah biang sa 6 sngi ia u Bernanrd ban shah tohkit ha ki pulit ha kaba iadei bad ka jingioh kurup ia ka ryntieh bad ki khnam bad ki tiarpynbthei naka Farmhouse ka jongu.
Naduh mynta ka sngi, une u MDC yn hap ban shah tohkit biang sa 6 sngi ha ki pulit.
