Shillong, Kyllalyngkot 03: Ka long ka sngi kaba sngewsarong ia ka jylla Meghalaya ha kaba kala ioh pdiang ia ka Second Runners-Up Award hynne ka sngi Balang ha ka ODOP Awards 2023 kaba la pynlong da ka Department for Promotion of Industry and Internal Trade ha Pragati Maidan, New Delhi.
Kane ka jingioh jingithuh ka jylla kadei halor ka jingtrei shitom ha kaban kyntiew ia kawei ka mar na kawei ka District ne One District One Product (ODOP).
Ia ka Aatmanirbhar Bharat Utsav bad National ODOP Awards la plied a u Dr. S. Jaishankar, External Affairs Minister jong ka India bad kaj ingai ia kane ka Award ka long ban rakhe ia ka jingtrei shitom jong ki jylla, ki Union Territory, District, & Indian Mission ha kaban pynurlong ia ka jingiohi jngai jong ka Aatmanirbhar Bharat lyngba ki sienjam kiba la shim da ka ODOP.
U Myntri Rangbah ka jylla u Conrad K Sangma, ula ong, “Ka jingioh khusnam ka long ka jingai mynsiem ia ki nongrep bad ki nongthaiñ jingthaiñ da ki kti, kiba la trei met bad mynsiem ban pynmih ia ki mar kiba kyrpang ki jongki kiba la pyninam ha ki rynsan hapoh ka ribad shabar ka ri. Ka jingseisoh ka jong ngi ha ka ODOP Award ka leit sha ka jingshim ia ki sienjam, ki prokram, ka jingpynmih ia ki mar kiba kyrpang, Geographic Indication (GI) bad ka jingkhlain ha kaban pyniaid iew ia ki. Ka sorkar Meghalaya ka pynpaw ka jingsngewnguh ia ka Department for Promotion of Industry bad Internal Trade bad ka Ministry of Commerce kaba la ai jingithuh bad jingiaroh ia ka jingtrei jong ka jylla”.
Katba u Dr. Vijay Kumar D, IAS, Commissioner & Secretary ka sorkar jylla ula pdiang ia katei ka khusnam na ka bynta ka sorkar Meghalaya.
U Dr. Vijay Kumar D ula ong, “Kane ka jingai jingithuh kadei ka sakhi jong ka jingtrei shitom bad ka jingtrei minot jong ki paidbah ka Meghalaya. Ngi iengskhem ha kaban tei iaka jylla kaban lah ban ieng hi nalade da kaba pyninam ia ki mar kiba la pynmih ha ka jylla. Kane ka award ka ai mynsiem ia ngi ba ngin bteng ban iaid shakhmat ban pynmih ia ki mar kiba phylla, kyrpang bad kiba bha bad ban iatreilang bad ki kynhun kiba nabar ri na ka bynta ban pynneh pynsah ha ka liang bapher. Ka long ka burom iaka jylla ban ioh ia ka jingithuh kum ka Top 3 States ha ka ODOP Awards 2023.
Ka Meghalaya ka trei met bad mynsiem ban kyntiew iaka ODOP (One District, One Product) lyngba kiba bun ki sienjam bad ka sorkar kala pynsngewthuh paidbah halor ka ODOP scheme, ban pynthikna ba ki mat kn long kiba don ia ka kyrdan, ban pynbiang ia ki jingdonkam ha kaba iadei bad ka jingpynmih bad jingpyniaid iew bad ban pyntreikam ia ka rukom rejistar.
Ki ioh ruh ia ka jingkyrshan ha kaba iadei bad kajingpynmih ia ki mar kiba kyrpang bad kiba phyla, ka jingwanrah ia ki kor teknoloji, pynlong iaka jingialam kai ban ioh ia ki jingtip kiba bniah, Workshop bad kiwei kiwei.
Ka Meghalaya kala lah ban shalan ia u Khasi Mandarin sha Dubai bad kala lah ruh ban don iaka jingiadei kaba iajan ha ka jingpyniaid iew ia une u sohniamtra ha Dubai.
