Shillong, Kyllalyngkot 03: Ka kynhun ialehkai Taekwondo jong ka Meghalaya kala ioh rah ia ka nam kum ka lahduh ne ka Overall Champion ha ka National Taekwondo Competition kaba la long ha Kolkata bad Asansol.
Hapoh ka jingialam u Coach u Binod Kumar bad u Kapten u Himmat Jyrwa, ka kynhun jongka Meghalaya kala pyni iala ka sap bad ka jingtbit bad kala ioh khur 10 tylli ki takma Ksiar, 3 tylli ki Takma Rupa bad 7 tylli ki takma Rnong.
Hynrei kaei kaba la pynsngewtynnad shuh shuh iaka jingjop jong ka Meghalaya kadei ruh ka jingpyni nam na ka liang u Nongialehkai Taekwondo uba la rangbah tam uba la don 57 snem ka rta u Samsung Killing ia kaba ula ioh ia ka jingiaroh na baroh kiba wan ban sakhi ia katei ka lympung iakob.
Watla u Killing ula noh ha ka rta hynrei ula pyni ia la ka sap bad iaka jingtbit kyrpang ha ka jingialehkai Taekwondo bad kane kala pyniapbiej bad khring ia ki jingmut jingpyrkhat jong baroh ki nongialehkai bad ki nongpeitkai.
