-->

Shen yn pynbna ka Sorkar ia ka jinglait kam Pulit ba 2000 tylli | Pynkylla ia ka rukom pyniaid ia ka jingthungkam

Date:

Share post:

Shillong, Naiwieng 19: Ka Meghalaya Police kala pynkhreh ban pynbna paidbah ne advertise noh shen ia ka jinglait kumba 2,000 tylli ki kam Pulit, ha kaba ka Kynhun Myntri ha ka Sngi Palei kala ai jingbit ban pynthymmai ia ka rukom pyniaid ia ka jingthungkam kaban long kaba kloi bad kaba lait na ki kynrum kynram.

U Myntri Rangbah u Conrad K Sangma ula ong, hadien ba la wai ka jingialang jong ka kynhun myntri ba ka sorkar kala dep ban pynthymmai ia ka Uniform Guidelines na ka bynta ka jingpynrung kam pulit bad kala thaw biang ia ka Central Recruitment Board.

Ia kane ka Board lah dep ban pynheh ban pynlong ia ka kaba iar bad kiban bun ki jingiashimbynta, ula ong.

“Ka jingpynrungkam kadei kaei kaei kaba jrong ki rukom leh” ong u Sangma. “Ngi lah pyrshang ban pynthikna ba bun ngut ki ophisar, ki thaiñ bad ki jaka kin shah kynthuplang”.

Kane ka Board kaba la pynheh mynta kan kynthup ia ki dkhot na ka Western Range bad ka Eastern Range, ryngkat bad ki Technical Members.

“Kam pale ne duna, ka jinglong jingman jong ka Recruitment Board kan neh hi kumjuh” ula ong.

Halor ki Guidelines, u Sangma ula ong ba ki katto katne ki jingpynkylla ki long kiba donkam, watla bun ki long ki jingtip kiba rit ha ka rukom pyniaid ia ki kam.

Kine ki kynthup ia ka jingsiew ia ka Registration Fee, ki bynta jongka jingleh ia ka eksamin ha ka jingkhlain ka bormet ne physical examination bad ki jaka ban don ki Examination Centre.

“Ngi lah iakren bad iatai ia kine kiei kiei baroh bad katkum ka jingbthah kaba la ai da ka tnad Home (Police) Department, ngi lah iaid shakhmat” ula ong.

Ka jingthmu, ula ong ba kadei ban pyniaid ryntih ia ki kam bad ban pynlong kaba khlain, kaba bha bad kaba ryntih ban duna kino kino ki kynrum kynram”.

Ka jingdonkam kyrkieh, u Sangma ula ong, kala wan na ka jingkiew jong ka jingdon ia ki kam kiba thylli. Wat haba lah dep thung 3,000 ngut ki pulit ha u snem ba lah dep, sa kumba 1,800 tylli ki kam kiba lait kila mih biang ha ki snem kiba la dep. Sa kumba 100-200 tylli kidei kiba la khmih lynti, kumta ka jingdon baroh kan kot ia ki 2,000 tylli ki kam kiba lait.

“Sa kumba palat 2,000 tylli ki kam kiba thylli yn sa pynbna paitbah noh shen na ka bynta ka tnad pulit” ula ong.

Share post:

-->
spot_img

Popular

More like this
Related

Mynjur ka Sorkar ia ki service rule thymmai ka Health Deptt ban pynkut ia ka Ad-hoc promotion

Shillong, Naiwieng 19 : Ka Kynhun Myntri ka Sorkar...

Pynbna u CM ia ka Sixth Pay Commission | Aipor 8 bnai ban pyndep ia ki kam

Shillong, Naiwieng 19 : Ha ka jingpynbna kaba heh...

Na ki kynhun tem ba shu bud tynneng sha ka tem jingrwai lajong | Wanrah u CM ia ka plan ban pynlong ia ka...

Shillong, Naiwieng 19: Ka Meghalaya ka kwah ban sangeh...