-->

“Khlem leh politics, hynrei dawa iala ka hok” : Synniang ki nonghikai deficit mar T.1 sha u DyCM

Date:

Share post:

Rai ban pynbteng beit ia ka jingsangeh treikam

Shillong, Naiwieng 19 : Ki nonghikai deficit kila nang pynjur ia ka jingsangeh treikam ba khlem buh por ha ka sngi Palei da ka jingiashong kyllain mungor shabar ka Ophis ka Meghalaya Board of School Education (MBoSE), ha kaba kila synniang ruh mar T.1 na ka bynta u Symbud Myntri Rangbah Bah Prestone Tynsong.

Kane ka jingiakhih ka long kum ka jubab ia ka jingkynthoh u Bah Prestone ba ki nonghikai deficit kim shym la pdiang wat ban ot tang shi tyngka na ka tulop jong ki.

Haba kren sha ki nongthoh khubor shabar jong ka jingiakhih, u President ka KJDSTA Bah Boswell Pala ula pynrem jur bha ia u Symbud Myntri Rangbah.

“Ngam khlem khmih lynti palat na u briew uba la kren ha u 2018 ba u long uba kloi ban trei wat bad u ksuid. Shisien ba phi la iatreilang bad u ksuid, phi la trei bad u ksuid” ong u Bah Pala.

“Na kum une u briew, ngim shym khmih lynti palat. Hynrei Nga khlem khmih lynti ia u ban pynksan ia ki jingkynthoh ba khot ia ngi ki kruin bad ki soh pyut, bad kynnoh ia ngi ba ngi kyntait ban pdiang ia ka jingot tulop wat tang shi tyngka” ula bynrap.

U Bah Pala ula kyntait ia ka jingkynnoh u Bah Prestone ba ki nonghikai kila leh politics, haba ong ba wat ka kyntien wat ka kyntien hi la pynsniew noh ïa ka jingmut jong ka da kiba don ha ka bor synshar.

“U ong ba ngi leh politics. Hynrei ki dei ki briew kum ma u, kiba la pynjakhlia ia ka politics sha u pud ba kila kynnoh ia kiwei, da kaba shu ong “u leh politics”. Ka long kaba sngewsih ba kum kane ka kyntien kaba kongsan la pynsniew noh ia ka jingmut da kum kine ki briew” ula ong.

U Bah Pala ula ong ba ka jingkyrpad ban pynsangeh ia ka jingsangeh treikam jong ngi ha ka por long eksam ka dei tang ka jingpyrshang ban pynbor ia ki nonghikai da kaba pyndonkam ia ki khynnah pule.

“Ka jingai jingmut ba ngim dei ban iakhih ha ka por eksam kam dei kaei kaei ruh hynrei ka jingpyrshang ban blackmail ia ngi da kaba pyndonkam ia ki khynnah skul ba lui lui” ula ong.

“Lad aka Sorkar ka sngewkhia shisha halor ki khynnah skul, kala dei ban pynbeit iaki jingeh kiba ktah ia ka pule puthi jong ki- ka jingbym lah ban pyndap iaki kam nonghikai kiba lait, ka jingbym ailad ban pynmih ia ki jingpynbna laitkam, ka jingbym lah ban mynjur iaka jingthungkam, bad ka rai ban pynlong ia ka Board exam ha u Nohprah, haba ki khynnah skul kim pat long kiba lakhreh” ula ong.

U iathuh ba ki nonghikai kila iakren bad ka Tnad naduh u snem bala lah, hynrei u Myntri Rangbah ula kyntait ban iakynduh ia ki. Ban pynsangeh noh ia ka jingiakhih mynta, u maham, kan lam sha kajuh ka jinglong jingman ban jia man ka por.

Halor ka jingong u Bah Prestone ba ki nonghikai deficit ki long kum ki nongtrei Sorkar, u Bah Pala ula ong ba u Symbud Myntri Rangbah ula kren ia kaba dei.

“Hapoh ki rules, ngi dei ki nongtrei Sorkar ha ki jaka pule shimet. La kumno kumno ruh, ha kane ka bynta hi, ula kren ia kaba dei” ula ong.

Hynrei u Bah Pala ula kynnoh ia u Bah Prestone b aula ialam bakla ia ki paidbah halor ka National Pension System.
“Ula kam ba ia ka NPS la pyntreiam. Em khlem pat pyntrei. Ka skhim 2026 kam dei ka NPS. Nga ngeit ba la ai sha u da ki jingtip kiba bakla” ula ong.

Share post:

-->
spot_img

Popular

More like this
Related

Aiti ka Sorkar Jylla ia ka Baljek Airport sha ka AAI | Plie lynti ia ka jingdon ki liengsuin na Tura

Shillong, Naiwieng 19 : Ka Sorkar Jylla bad ka...

Lah kut ka jinghap ieng lain ha ki Ophis DTO | Haduh 42 ki Transport Services lah leh online

Shillong, Naiwieng 19 : Kiba kwah ban pynthymmai iaki...

Yn siew ka sorkar ia ka arrear DA | Ka CPF ka dang don ha Iingkashari: ong u DyCM ia ki nonghikai deficit

Shillong, Naiwieng 19: U Symbud Myntri Rangbah ka Jylla...

Meghalaya govt will clear DA arrears, CPF matter is before court: Prestone tells deficit teachers

SHILLONG, NOV 19: Deputy Chief Minister Prestone Tynsong on...