Guwahati, Naiwieng 13 : Haduh 26 ngut ki briew kila iap ha ka jingjia aksiden kali kaba shyrkhei bha ha Rongajan, Kaziranga, Assam ha ka sngi Thohdieng hadien ba kawei ka kali Traveller kaba kit palat 35 ngut ki briew kala iatynrah bad ka trok.
Kane ka traveler la iathuh ba ka dei kaba kit ia ki samla pule. Ka jingiatakhuh ka long kaba la jam bha haduh ba ka kali kala julor kla bha, bad bun ki briew kila sahkut hapoh kali.
Ia kiba mynsaw la pynkit noh sha Kohora Model Hospital ban ioh jingsumar.
Kane ka Traveller kaba la pynher sted bha, ka dei kaba don u nombor KA01AT0977, bad ka kit ia ki khynnah skul kynthup ki khynnah na ka Kaziranga High School.
Kane ka kali ka dei jong ka MP Travels, kaba iaid kamai ha surok Nagaon-Golaghat. Ia u nongniah la ithuh kyrteng kum u Mujid katba ia u nongbud la ithuh da u Subha.
Uwei u passenger ba mynsaw u iathuh ba kane ka Traveller kala iaid hapdeng 90kmph ha ka por ba jia kane ka jingiatakhuh bad dei namar ka jingsted ba u nongniah u khlem lah shuh ban tehlakam ia ka kam.
