Shillong, Naiwieng 04 : U Myntri Rangbah Conrad K Sangma ha ka sngi Balang ula ong ba kam shym la don ka jingsngew pyrshah hapoh ka NPP halor ka jingpynrung biang ia u MLA ka West Shillong Bah Paul Lyngdoh kum u Myntri Sorkar, uba la leit pyniasoh dang shen sha ka party lem bad arngut kiwei pat ki MLA ka UDP.
Haba kylli la baroh ki MLA ki kmen bad ka jingioh shuki Myntri biang u Bah Paul, u Conrad ula ong “Ngi don jan baroh ki MLA ha ka por ba ngi shim rai bad la aiktien lut ia baroh bad kam shym la mih satia kano kano ka jingeh ha baroh ki liang”.
Ula ong ba ka jingkwah ia ka shuki Myntri ka dei kaba don beit hynrei ka party ka iai long kaba iatylli.
“Ka don beit ka jingkwah da mano mano ruh ban don ha ka Kynhun Myntri, kane ka dei kaba ju jia ia kino kino ki seng sain pyrthei kumjuh ruh ia ka party jong ngi” ula ong.
U CM u iathuh ba ia kane ka rai lah ia pdiang lut naduhn ka mynsiem.
