Shillong, Naiwieng 05 : U Joint Coordinator ka BJP Northeast Rajiv Babbar ha ka sngi Balang ula pynpaw ba ka jingker sainar ha khappud ka India-Bangladesh kala jan dep artad bad iathuh ba ia ki jingeh ha Meghalaya yn sa pynbeit ha ka wat kaba bud.
U Babaar ula iathuh ia kane haba jubab ia ka jingkylli halor ka jingsynjor ka khappud ka Meghalaya bad Bangladesh bad ka jingkynnoh bym leh eiei ki BSF bad ki Pulit.
“Peit, ngi la pyniaid shakhmat ia ka jingker sainar bad satang 50 km kala sah mynta…kumta ngi la treikam bha” ula ong.
Halor ka jinglong jingman ha Meghalaya, ula ong “Nga tharai ki don katto katne ki jingeh kiba hap ban pynbeit bad ha ka wat kaba bud, ngin sa ai shen ia ka jingtip kaba bniah”.
Haba kylli halor ka jingiohbat ia arngut ki nongthep vote mynder ha Mawsynram Constituency, u Babbar ula ong ba ka nongrim jong ka BJP ka dei ka bym lah ban iapein.
“Iano iano ruh lada shem ha kano kano ka jaka, ka jingkylli kam dei eh ia ka constituency u MLA ka BJP ne kiwei ki MLA. Lada don ki nongwei hangtei, ka nongrim jong ngi ka long kaba shai- u dei ban mih shabar jong ka ri, kam dei ban don ka jingsngewthuh bakla” ula ong.
