Imphal, Naiwieng 3: U Myntri Rangbah ka Jylla Manipur, u Yumnam Khemchand Singh, u la bthah ïa ki tnat pahara, ba kin wad ïa ki kynhun kieng atiar, kiba la kynnoh ba ki donkti ha ki kam thombor ba dang shen ha ka Jylla bad u la maham ba ka sorkar ka lah ban pyndonkam ïa ka aiñ Unlawful Activities (Prevention) Act (UAPA) pyrshah ïa kito kiba la lap ba ki donkti ban thombor ïa ki riew paidbah.
U myntri rangbah u la pynmih ia kane ka jingbthah haba pyniaid ia ka jingialang bishar bniah ia ka jingpahara ha ka Cabinet Hall jong ka Chief Minister’s Secretariat ban bishar bniah ia ka jinglong jingman jong ka ain bad ka suk ka sain kaba mynta bad ban iakren ia ki lad ki lynti ban pynkhlain ia ki jingpynbeit ia ka jingpahara.
Ha katei ka jingialang, u Singh u la bthah ia ki ophisar pahara ban ithuh ia ki kynhun lehnoh kiba trei shitom kiba la kynnoh ba ki donkti ha ki kam thombor ba dang shen, khlem da khein ia kito kiba donkti ha ka jingiakren iasuk.U la kyrpad ia ki bor pahara ba kin ai ia ka kaiphod kaba bniah halor ka jingkynnoh donkti jong kine ki kynhun kloi katba lah.
U Myntri Rangbah ka jylla u la ong ba ka State Cabinet kan pyrkhat ban pynbna beain ia kum kine ki kynhun lada la pynshisha ia ka jingdonkti jong ki ha ki kam thombor ia ki riew paidbah ki ba lui lui.
Shuh shuh u la maham ba yn sdang ïa ki kam kiba donkam pyrshah ïa ki kynhun kiba dang bteng ban leh ïa ki kam thombor pyrshah ïa ki riew paidbah, da kaba bynrap ba yn sa leh ïa ki katkum ki kyndon jong ka UAPA.
Ha kajuh ka por, ka jingim kaba thikna ka dang sah ha ka jingshah ktah ha ka distrik Kangpokpi ha ka sngi ba bud lynter ha ka sngi Ba-ar katba kawei ka seng riewlum ka dang bteng ïa ka jingkhang dam jong ka namar ka jingkynnoh ba ka sorkar Manipur kam shym la leh ei ei pyrshah ïa kito kiba donkti ban pynïap ïa arngut ki samla na ka jaidbynriew Kuki.
Kane ka jingkhang dam ka la pynthut ruh ïa ka leit ka wan jong ki mar ba kongsan ha shilynter ka surok bah National Highway-2 (NH-2), ha kaba katto katne tylli ki kali kit mar kiba leit sha Imphal ki dang sahkut ha ka Senapati distrik ba marjan, kaba bun ki jaidbynriew Naga.
Kitei ki kali kim shym la lah ban rung sha ka Kangpokpi district hapdeng ka jingkhang khyrdep kaba dang ïaid shakhmat.
