Shillong, Risaw 30 : Sa arngut ki nongialam ka Khasi Students’ Union (KSU) kila lait na Shillong Disrict Jail ha ka sngi Palei hadien ka jingioh jamin ba iadei bad ka jingjia kam thombor ba jia ha ka 19 tarik Nailar ha ka rally thuk thuk.
Kine ki arngut ki dei u samla Banjoplang Dkhar President ka KSU Shillong Mihngi Circle bad u samla Samuel Kharbani General Secretary. Ia kane la pyntip da u General Secretary barim ka KSU Bah Donald V Thabah.
Shuwa kane, u President ka KSU samla Raymond Kharjana bad General Secretary samla Reuben Najiar kila lait na ka jamin.
Da kane, saw ngut ki nongialam ka KSU kila lait mynta na phatok.
U Bah Donald u pyntip ba ki dang don sa arngut ha phatok bad kine ki dei u Vice President samla Pynkmenlang Sanmiet uba dang don ha ka jamin ba shipor bad u samla Jeremiah Pohthmi, President ka Nongmynsong Unit bad Assistant GS ka KSU CEC.
