Shillong, Risaw 20: Ki runnar ki bym lah ban ithuh, ha ka janmiet sngi Ba-ar ha ka por kumba 7:15 mynmiet, ki la leit kawang petrol bomb iaka ophis ka tnat Directorate of Employment and Craftmen Training kaba don ha Keating Road.
La iathuh ba 2 ngut ki briew ki bym ithuh durkhmat kila wan da ka kali ar shaka bad ki la kawang ia uwei u petrol bomb ha kane ka ophis hynrei une u bomb u hap noh ha phyllaw jong ka Ophis.
U petrol bomb ula bthei ha phyllaw bad kem ding malu mala bad kam shym la don kano kano ka jingjulor. Ki runar kila pher krad tang mar syn dep leh ia kane ka kam.
Naka liang ki Pulit ka East Khasi Hills marsien ioh jingtip, kila hiar sha katei ka jaka ban pynlong iaka jingtohkit.
