Ampati, Risaw 20 : U Myntri Rangbah ka Jylla Conrad K Sangma, ha ka sngi Ba-ar, ula buh ia u mawnongrim ban tei ia ka madan phutbol synthetic ba T.8.57 klur ha madan Anangpara kaba don ha South West Garo Hills.
Kane ka project ka dei shibynta jong ka jingkyntur ka Sorkar Jylla ban kyntiew bad pynbun ia ki jingtei jong ki madan ialehkai ha kylleng ki district ba sha kyndong bad ai ka lad ban pynroi sap ia ki samla ialehkai jong ki thain.
Haba thoh ha X, u Myntri Rangbah ula pynbna ba kane ka synthetic turd ka dei kawei na ki san tylli ki project kam ialehkai kiba heh bha bala shimkhia da ka Sorkar- kaba kot baroh lang haduh T.60.05 klur-kiba la pyntrei mynta ha South West Garo Hills.
Laid the foundation for a ₹8.57 crore Synthetic Football Ground at Anangpara Playground in South West Garo Hills.
With 5 sports-related projects worth ₹60.05 crore implemented or underway in the district, we are strengthening sports infrastructure and creating more opportunities for our youth.
This facility will support football development, nurture local talent and provide a platform for competitive sporting activities, channelling the energy of our youth into positive pursuits.
@mansukhmandviya— Conrad K Sangma (@SangmaConrad) October 20, 2026
“La buh ia u mawnongrim na ka bynta ka Synthetic Football Ground ba T.8.57 klur ha madan Anangpara ha South West Garo Hills” thoh u Myntri Rangbah. “Da san tylli ki project ba kum kine kiba shongdor T.60.05 klur la pyntrei lane ki ban dang wan hapoh ka district, ngi la pynkhlain ia ki jingtei ia ki madan bad thaw kham bun ki lad na ka bynta ki samla jong ngi”.
Haba kdew ia ka jingthmu kaba jngai jong kane ka kam pynroi, u Myntri Rangbah ula bynrap ba kine ki jingtei kin long kum ka jingsdang ban sei ia ka dap ialehkai phutbol jong ki samla ka thain kiba kwah ban mih iakhih ha ki kyrdan ba kham shalor.
