Shillong, Risaw 15: Ka Indian Olympic Association (IOA) ka la thaw ia ka Games Technical Conduct Committee (GTCC) kaba don 5 ngut ki dkhot ban peit ia ki jingpynkhreh bad ki kyndon ialehkai na ka bynta ka 39th National Games ka ban long ha Meghalaya ha u snem 2027.
Ka IOA ka la pyntip ïa ka jingthaw ïa ka GTCC sha u Chief Secretary ka Meghalaya hapoh ka Host State Agreement.
Iaka GTCC yn khlieh da Sunaina Kumari, Ravinder Choudhary, Maninder Pal Singh, V Sunil Kumar, Dushyant Sharma, SSP-JKP kum ki dkhot.
Ka GTCC kan peit ia ki por ialehkai, ki jingpynrung ia ki jait jingialehkai, ki kyndon ialehkai, ki jingbatai bniah, ka jingthied ia ki tiar ialehkai bad ka jingpynkhreh ia ki jaka ialehkai.
Kan ïatreilang ruh bad ka National Sports Federation (NSFs) bad ka Meghalaya National Games Secretariat halor ki kam ba ïadei bad ka Tecnical.
Katkum ka jingbthah ba la pynpaw da ka Committee, ki jingbthah jong ka halor ka jingpynkhreh ïa ki jingïalehkai bad ki jinglong jingman jong ka jingiaid shakhmat ka jingpynkhreh iaka national game kjmba la iateh bad ka sorkar Meghalaya.
Ka Meghalaya kan pynlong ïa ka National Games ha ka sien kaba nyngkong ha u snem 2027, kaba long ka mawjam kaba kongsan na ka bynta ki jingtei bad ki jingangnud jong ki jait jingïalehkai hapoh ka jylla.
Ka sorkar jylla ka la shimkhia ia ki kam pynbha ia ki jingtei, kynthup ia ka jingpyntrei ia ka JN Stadium complex ha Shillong, ki jaka ialehkai ha Tura bad ki jaka sah na ka bynta ki nongialehkai.
