Kohima, Risaw 12: Ka Zaonger Mihkhung Arihako (ZMA), lane ka Citizens’ Union, ka la pynshong nongrim ïa ka jingïakynad kaba la jia ha ka 10 tarik u Risaw ha ka shnong Zaonger, ba ka dei ka jingïakynad kaba la slem bha hapdeng ki dkhot jong ka jaidbynriew Yimkhiung bad Tikhir, ha kaba ki khot ïa ka jingpynbeit katkum ki aiñ riti dustur bad ka jingïateh kular kaba la don lypa hapdeng ki dorbar tribal councils.
Ha ka kyrwoh ba la pynmih ha ka sngi Nyngkong, ka ZMA ka la pynpaw ia ka jingsngewsih halor katei ka jingjia, kaba la iathuh ba ka la wanrah ia ka jingjulor jong ki mar ki mata bad ki nongshong shnong ki la pynkynriah jaka. Ka la ong ba ia kane ka jingiakajia dei ban pynbeit katkum ka memorandum of understanding (MoU) hapdeng ka Yimkhiung Tribal Council (YTC) bad ka Tikhir Tribal Council (TTC).
Katkum ka jingong jong ka ZMA, u deputy commissioner ka Kiphire u la thaw ïa ka ïingbishar jong ka District Customary Court ha u bnai Iaiong 2025 hadien ka jingbthah na u commissioner jong ka Nagaland.Ha ka 14 tarik u Jymmang, 2025, ka ïingbishar ka la bthah ïa ka Zaonger Village Council ban ai ₹25,000 lypa na ka bynta ka jingbam smai tynrai.Wat la dep siew ia ka pisa hynrei ka bynta ba khatduh jong ka jingpynbeit ka dang sahkut.
Ka Union ka la ong ba ka village’s Joint Coordination Committee ka la pynmih ïa ka jingai por kaba 45 sngi sha ka sorkar jylla ha u bnai Nohprah 2025, da kaba pan ïa ka jingpynbeit katkum ka MoU.Ka la kdew ruh ïa ka jingweng noh ïa ka jinglong nongshong shnong na ki 73 ngut ki riew shimet kiba la pynithuh ïalade kum ki Tikhir bad ka hukum jong ka village council ha ka 21 tarik u Iaiong, 2026 kaba khanglad ïa ki ban pynlong ïa ki prokram paidbah ha Zaonger.
Ka ZMA ka la ong ba ka shnong Gaon Buras ka la leit jngoh ia katei ka jaka leh tamasa ha ka 9 tarik Risaw hadien ba ka la tip ba la buh ban pynlong ia ka lehkmen Tikhir Tsonglak-Nyi 2026 hangtei.Ki la kyntu ia ki nongpyniaid ba kim dei ban iaid shakhmat.Ki heh sorkar na ka bor pyniaid jong ka Pungro bad ki pulit ruh ki la iakynduh ia baroh arliang mamla, ong ka kyrwoh.
Wat hapdeng ki jingai jingmut, ki jingpynkhreh ki dang bteng, la kynnoh ka ZMA. Ha ka 10 tarik u Risaw, ka la mih ka jingïakynad haba ki nongshong shnong ki la kyrpad ïa kito kiba la ïalum ban ïaphet noh da kaba suk.La pynjulor ia kawei ka iing, bad ki riew shimet ki Tikhir hadien kata ki la mih noh na katei ka shnong, la ong ka khubor.
Ka kyrwoh ka la kynnoh ba ka voice message ha ka ktien Tikhir ka la saphriang ha ka WhatsApp, kaba khot ia ki samla ban khring bad ban thombor ia ki longiing Yimkhiung.Ka ZMA ka la kam ba ka jingïakynad ka la saphriang sha Pokphur bad Longtsonger, katba ki ïing jong ki nongshong shnong Yimkhiung ha Pokphur ki la shah thang.
Ka ZMA ka la kam ba don ki nongshong shnong jong ka Zaonger kiba la pynrem da kaba thang ïa ki ïing jong ki riew shimet kiba la weng noh ïa ka jinglong nongshong shnong jong ki.Ka la pynpaw ia ka jingsngewsih halor ka jingkiew stet.
Ka seng ka la ong ba kam don jingpyrshah ia ki jaidbynriew Tikhir ba kin rakhe ia ka Tsonglak-Nyi shabar jong ka Zaonger, hynrei ka pyrshah ban pynlong ia katei ka tamasa hapoh shnong da ki riew shimet kiba la shah weng noh ia ka jinglong nongshong shnong jong ki.
Ka ZMA ka la ong ba ka long kaba la pynkhreh ban aiti ïa ki kot ki sla bad ki sakhi kiba kyrshan sha ki bor synshar bad ka la pynkynmaw biang ïa ka jingkhot jong ka na ka bynta ka jingpynbeit kaba suk, kaba ïadei bad ka jaka. Ka jingkhein bad ki jingkynnoh ki pyni ia ka jinglong jong ka ZMA ia ki jingjia; ki jubab na kiwei pat ki seng kim shym la shah kynthup ha ka jingpynbna jong ka.
