Shillong, Nailur 30 : Ka Sniawbhalang Dhar Pathfinder Free Tuition Program 2.0 kala ïohi ïa ka jingiar ka jingai jinghikai ei lane free tuition iaki samla pule bad ka jingdon jong ki Centre ka la kiew ar shah na ka 3 sha ka 6 bad ka jingpynrung kyrteng ki samla pule kala kiew sha ka 600 ngut.
Ia kane ka prokram la pyniaid da ka National People’s Youth Front (NPYF), 1-Nartiang Constituency bad ka dei ka jingai jinghikai ei sha ki samla pule ki ban iakhun ia ka eksam SSLC.
Ïa kine ki 6 tylli ki Centre la buh ha Ummulong, Wahiajer, Modop, Umladaang, Khanduli bad Namdong khnang ban iarap iaki samla pule naki skul bapher bapher jong ka constituency.
U president ka NPYF 1-Nartiang Block u Damechwa Dhar ula ai khublei ia u MLA ka thaiñ uba dei ruh u Symbud Myntri Rangbah u Bah Sniawbhalang Dhar uba la kyrshan ia kane ka jingai jinghikai Tution khlem da siew pisa.
U la ong ba ka jingai jinghikai khlem jingsiew kan long ka jingmyntoi kaba khraw ia ki samla pule khamtam kito kiba wan na ki longïing kiba duk bad kito kiba sah ha ki shnong kiba jngai.
U bah Damechwa u la ong ba da ka jingkyrshan kaba iai bteng jong u Symbud Myntri Rangbah, ka jingthmu ka long ban pyniar ia ka Pathfinder Programme sha baroh ki bynta jong ka Nartiang constituency ha u snem ban wan khnang ba kham bun ki samla pule kin ioh jingmyntoi.
