Gyalshing, Nailur 25: Kumba 30 tylli ki iing ki la shah rong noh ha ka um hadien ba u slap uba jur u la wanrah ia ka jingtwa khyndew kaba jur bad ka jingtuid khyndew ha ka shnong Rimbi jong ka West Sikkim’s Gyalshing district.
Ka jingther u slap ba jur bad kaba bteng ha kine ki ar sngi ba la dep ka la wanrah ïa ka jingshlei um kaba thymmai bad ka jingtwa khyndew ha katei ka thaiñ, ha kaba ki khyndew, ki maw bad kiwei kiwei de na u lum Singlitam uba shong synjor.
Katto katne ki jaka sah briew ki la shah ktah, katba ka jingpyniasoh jong ki surok ruh ka la shah pynthut.La iathuh ba ka jingtuid jong ka khyndew ha katei ka jaka ka dang bteng, kaba la pynmih ia ka jingsngewkhia halor ka jingjulor kaba kham jur.
Ka jingtwa khyndew ka la phah ïa ki jakhlia na ki lum ba shalor sha ki jaka ba kham shapoh, kaba la ktah ïa ki ïing ki sem bad ki jingtei ba marjan.
Ki khubor na ka thain ki iathuh ba katto katne ki iing ki la shah tep ne shah rong hapoh ka khyndew, ka ktieh bad ki jakhlia.Ia ka jingheh jong ka jingjulor bad ki jingmynsaw kiba lah ban jia ym shym pat lah ban tip mardor.
U MP ka BJP na Darjeeling u Raju Bista u la ong ba u “sngewkhia jur” halor ka jinglong jingman hadien ka jingjur slap ha Rimbi.
“Ym duna ia ka 30 tylli ki iing ki la shah rong noh ha ka um”, la ong u Bista ha ka kyrwoh bad bynrap ba ka jingtuid um ka dang bteng khlem sangeh.
U la ong ba u la kyrpad ia ka BJP Sikkim unit ban ai ka jingkyrshan kaba donkam sha ka bor synshar shnong ha ki kam pynlait im, ai jingiarap bad ka jingshngain.
U Bista u la kyntu ïa ki briew ban kiar na ki jaka ba lah ban shah ktah, ban bud ïa ki jingbthah jong ki bor sorkar bad ban kyrshan ïa ki longïing kiba shah ktah ha kane ka jingshah pynjulor.
Ka jingjia kaba thymmai ka la wanrah ïa ki jingsngewkhia jong ki jaka lum jong ka Sikkim na ka jingtwa khyndew bad ka jingshlei um ha ki por ba jur bha u slap.
La khmih lynti ba ki kam pyllait im bad ai jingiarap kin pynleit jingmut ha ki longïing kiba shah ktah bad ban wanrah biang ïa ka jingpynïasoh surok ha katei ka thaiñ.
