Imphal, Nailur 21: Uwei u khynnah Naga, uba dang 15 snem ka rta, u la shah siat iap, ha ka jingshah ambush, ha ka por ba u dang leit sha Tamei, ha Manipur, ha ka distrik Tamenglong, ha ka sngi Nyngkong, ong ka khubor na katei ka thain.
Une u lanot uba la khlad noh u dei uba la tip kyrteng kum u NK Wiphenbou uba dei u khun jong u NK Mahinlakbou bad u dei u nongshong shnong jong ka shnong Takou Naga kaba don ha ka thain Tamei.La iathuh ba u dei u khynnah skul.
View this post on Instagram
Katkum ka jingiathuh jong ki nongshong shnong, u Wiphenbou u dang iaid na Takou sha Tamei haba u la shah thombor ha ka jaka kaba don hapdeng ka Takou, kaba la tip ruh kum ka Nkou Nri bad ka Tamah.Kawei ka khubor ka iathuh ba utei u samla u dang iaid sha Tamei ha ka por kumba 10.30 baje mynstep ban leit thied ia ki tiar ba donkam ha ka por ba katei ka jingshah thombor ka jia.
La iathuh ba ki nongshong shnong ki la iohsngew ia ki jingsiat suloi bunsien shwa ban poi ha katei ka jaka bad lap ia u Wiphenbou ba u thiah ha rud surok.Ki tyllong khubor na ka thain ki la kynnoh ba la siat haduh 20 tylli ki kuli ha katei ka jingshah thombor.
Ki khubor na katei ka thain ki la kynnoh ba ki dei ki kaikhlaw Kuki kiba la suba ba ki dei kiba la pyniap ia u.Ki jingthoh kiba la saphriang ha ki social media ki la kynnoh ia ka jingdonkti jong ki dkhot jong ka KNF (P) bad ki la kam ruh ba ka lah ban don ka jingiadei bad ka KNO bad ka UKNA.Hynrei ia kine ki jingkynnoh ba ym pat lah ban pynshisha da ki pulit ka Manipur.
Ka Takou bad ka Tamah kadei kaba hap hapoh ka Tamei Subdivision jong ka Tamenglong District.Katkum ki record ba thikna jong ka distrik ki jer kyrteng ia ka Takou bad ka Tamah hapdeng ki shnong kiba don hapoh ka Tamei.Kane ka jingshah pyniap ka la wanrah ia ka jingsngewkhia ba thymmai halor ka jingshngain jong ki riew paidbah kiba iaid lyngba ki shnong ba kyndong jong ka northern Tamenglong.
Ia ka jingtip ba bniah dang ap na ka jingtohkit bad ka jingpynkhreh jong ki bor pahara.
