Shillong, Nailur 17 : Ka United Democratic Party (UDP) ha ka sngi Palei kala ther tyngeh ia la u nongialam bad MLA ka West Shillong Bah Paul Lyngdoh namar ka jingbuh dak jingkylli hakhmat u paidbah ia ka kam long nongialam hapoh ka party.
Haba kynthoh tyngeh, u General Secretary ka UDP Bah Titosstarwell Chyne ula ong ba u Bah Paul ula kren ia ka kam nongialam ka party naduh ka jingbujli shuki myntri ba dang shen, bad ba um ju wan shuh sha ki jingialang ka party ban iakren ia kane ka kam hapoh Iing.
“Haba nyngkong, Ngam lah ban sngewthuh balei ba u Bah Paul u lapmiet ban buh jingkylli ia ka kam nongialam, kata ruh naduh ka sngi ba bujli ia ka shuki Myntri” ong u Bah Titos.
“Lada u sngewkhia shisha halor kata, ula dei ban wan sha ki jingialang. Ngi la khot ia ka jingialang na ka por sha ka por, hynrei um ju wan iashimbynta. Tang ha ka jingialang CEC ba dang shu dep b aula wan iashimbynta- dei tang kane ka jingialang ba u wan mynta u snem. Kumta, Ngam lah ban sngewthuh balei ba u buh jingkylli ia ka kam nongialam” ula bynrap.
