Shillong, Nailur 12: Ka Meghalaya Football Association kala pyllait paidbah iaka thup kyrteng jong ka kynhun ialehkai football ki kynthei ba 20 ngut, ki ban iashim bynta ha ka lympung Dr Talimeren Ao National Football Championship Junior Girls (Tier 2) 2026-27.
Ia kane ka kynhun la phah daka ba kitbok kitrwiang na madan MFA haka jingdonlang ki heh ophisar jong ka MFA, ba ialam da u Vice-President u Bag Cliff Nongrum.
Ia kane ka kynhun yn hikai pyntbit da Haphi Kharkongor kum Coach bad ka kynhun kan ialehkai ha Narainpur, Chhattisgarh jong ki jingialehkai Tier 2.
Ka Meghalaya ka la shah kynthup ha ka Group C bad ka Jammu and Kashmir, Punjab bad Nagaland bad ka jingïalehkai ba nyngkong kan long pyrshah ïa ka J&K ha ka 18 tarik Nailur.
Ka Tier 2 ka don 18 tylli ki Jylla ba la phiah ha ki ar kynhun jong ki san Jylla bad ar kynhun jong ki saw Jylla.
Ki kynhun ki khlieh iaka Group kin jam sha ka semifinal bad ki ar Jylla kiba la poi sha ka final kin kiew sha ka Tier 1 ha u snem ban wan.
Ka kynhun ïalehkai jong ka Meghalaya ka kynthup l, Dawansaphi Snaitang, Ripaia Phawa, Paleimon L Lyngkhoi, Daficare Lyngkhoi, Nishalin Nongrum, Venecle Kharmusulman, Vanessa Phiba Mawthoh, Bandabetshisha Nongrum, Saralang Lapang, Peacefully Pohplet, Deiphiwansara Lyngkhoi, Jenisha Rani, Marbahun Syiemlieh, Jesica Thongni, Queenilia Kharnaior, Laiahunlang Nongrang, Bansara Rynshiang, Saphidabet Kharmalki, Linsa Manbha Kharpran bad Bakhamkor Mawlong
Ki Support Staff ki kynthup, Haphi Kharkongor (head coach), Mickyson Rani (assistant coach), Loyalty L Phanrang (manager), Monaliza Don (physio).
