Nongpoh, Nailar 25 : Haduh 5 tylli ki kynhun Sengbhalang na Assam kila pynlong ia ka jingiakhih ha ka sngi Ba-ar ha ka jaka phai kali (U-turn) kaba don ha Baridua mar pyrshah ka CRPF Camp, kaba hap hapoh ka surok National Highway-27 ha khappud Assam-Meghalaya.
Kitei ki kynhun seng ki kynthup ia ka Greater Dimoria Combined Youth Power, All Assam Youth Association, Deori People Justice Forum, Scheduled Caste Youth Students’ Union, bad ka Jorabat Students’ Union.
Ka daw jong ka jingiakhih ka long ban pyrshah halor ka jingbym shimkhia ki bor sorkar ka Assam halor ka jingeh ki paidbah na ka jingdon katei ka jaka phai kali (U-turn) kaba don ha khmat ka khyrdop jong ka CRPF Camp ha Baridua.
Ki don ruh ki jingrung jingmih beain ki kali ha kane ka jaka, kaba la ju wan rah ia ka jingdheng ki kali na ka por sha ka por.
Na ka liang kitei ki seng ki la dawa mardor ba dei ban pynduh noh ia katei ka jaka phai kali ha Baridua, namar ka jingiaid beain ki kali ka ktah ym tang ia ki paidbah ba leit ba wan bad ka wanrah ruh ka jingma bad ka jingdheng kali kaba la jia na ka por sha ka por.
 kaba don ha Baridua mar pyrshah ka CRPF Camp, kaba hap hapoh ka surok National Highway-27 ha khappud Assam-Meghalaya.){kind=link}