Shillong, Nailar 25 : Ka Sorkar Pdeng kala pynjlan ia ka jingbuh ia ki san pyrton ki Central Armed Police Force (CAPF) ha Meghalaya, tad haduh ka 31 tarik Nailar, ban pynneh ia ka shongsuk shongsain.
Ha ka shithi bala phah ha ka sngi Ba-ar, ka Ministry of Home Affairs (MHA) kala ong ba saw pyrton ki CRPF bad shi pyrton ka RAF, kaba ka jingpahara ka kut ha ka 25 tarik Nailar, kan dang bteng biang haduh ka 31 tarik Nailar.
Kane ka jingpynjlan kala mih halor ka jingkyrpad ka Tnad kam Pohiing (Police) ka Jylla my ha ka 24 tarik Nailar.
Ka jingwanrah ia ki san pyrton ki bor pahara kala wan jia hadien ka jingmih ki kam thombor ha ki kynta iaid rally thuk thuk jong ka KSU ha ka 19 tarik Nailar, kaba lam sha ka jingshah thang 2 tylli ki kali, shah pynjulor haduh 31 tylli ki kali, bad shah shoh haduh 18 ngut ki briew.
Kane ka jingpynjlan kala wan jia ruh shisngi shuwa ka jingiakren hapdeng ka Sorkar Jylla bad ka KSU ka ban long lashai ka sngi Balang. U Myntri Rangbah ka Jylla Conrad K Sangma un pyniaid ia ka jingialang ban iakren halor ki san tylli ki mat jingdawa jong ka KSU.
 ha Meghalaya, tad haduh ka 31 tarik Nailar, ban pynneh ia ka shongsuk shongsain.){kind=link}