Shillong, Nailar 20 : Ka Ophis jong ka Tnad Veterinary, kaba don ha Mawlangwir, South West Khasi Hills, kala shah kawang petrol bomb ha ki runar ha ka step phyngap jong ka sngi Palei.
Kat kum ka jingpyntip sha ki pulit, la pyntip ba kane ka jingjia kala jia ha ka por 1 baje mynstep bad la iohsngew ia kane da ki para marjan jong kane ka Ophis.
Ki Pulit ki pyntip ba ki runar kila kawang ia uwei u petrol bomb ha tnum ka Ophis hynrei ula lip noh bad kam shym don satia kano kano ka jingjulor lait tang ka dak tdem iong ha ka biar iing.
Ki pyntip ba ia kane ka jingjia lah lap da ki nongtrei ha ka por 9:30 baje mynstep ha ka por ba ki dang wan trei sha Ophis.
Ki Pulit ki dang ap ia ka ejahar ban ujor hynrei ka jingtohkit ia kane ka jingjia kala iaid shakhmat.
