Shillong, Nailar 19 : U Myntri Rangbah Conrad K Sangma, ha ka sngi Balang, ula buh ia u mawnongrim ban tei ia ka Veterinary Hospital ka Jylla ha Upper Shillong, kaba la mang ban pynlut haduh T.65 klur.
Laid the foundation for the ₹65 crore State Veterinary Hospital at Upper Shillong.
This modern facility will strengthen veterinary care with advanced diagnostics, imaging, surgery, orthopaedics, inpatient care, laboratories and pharmacy services.
But this is more than just a… pic.twitter.com/U3eJXKVQkK
— Conrad K Sangma (@SangmaConrad) August 19, 2026
Ia kane ka jingbuh mawnongrim la leh ha ka jingialang bala pynlong ha INDO DAN Guest House, Upper Shillong ha ka jingiadonlang u Myntri ka Tnad Animal Husbandry & Veterinary, Bah Sanbor Shullai, MLA ka Mylliem Constituency Bah Ronnie V Lyngdoh, u Chief Secretary Dr Shakil Ahammad bad ki Ophisar na ka Tnad AH& Veterinary.
Haba ai jingkren, u Myntri Rangbah Conrad K Sangma, ula ban jur ia ka jingdonkam ban don ka rukom treikam kaba kynthup ia baroh ki bynta ba palat ban ia ki skhim shimet ha ka Tnad Veterinary da kaba phaikhmat halor ka jingsumar ia ki mrad bad wanrah ia ka rukom treikam kaba ryntih.
“Ka jingthmu ba kham heh bad ka thong ka long ban thaw ia ki lad kamai jakpoh bad ban pynduna ia ka jingiapher ha ka jingdawa bad jingshalan lyngba ki jingpyrshang kiba la pynbeit ryntih” ula ong.
U Myntri Rangbah ula niew ia ka State Veterinary Hospital kum ka hub bad ki district bad sub division headquarter kum ki spoke bad bynrap “Ka hospital kan ym lah ban treikam lada ngim don ia ka hub bad ki spoke ban pynkhlain ia ki jingtei bad jingdonkam kum ki machine, ki tiar sumar, ki dawai, ki briew ha man ki kyrdan”. Ula ban jur ruh ia ka jingkongsan ban kynjoh ia ka thong da kaba pyndep kawei hadien kawei ka kam.
Haba pynkut, ula ban jur ia ka por pyndep kaba shai bad ka jingtrei kaba bha ha kane ka project. “To ngin pynthikna ba kane ka Veterinary Hospital kan dei kawei na ki hospital kiba biang eh bad ka jaka wadbniah ha ka jingsumar ia ki mrad hapoh ka thain Shatei Lam Mihngi baroh kawei” ula ong.
Ka State Veterinary Hospital ka dei ka jingkynshew kaba kongsan ba jan kot T.65 klur ha ka jaka ba 161 hectare jong ka Tnad, kaba batai ia ka jingkut jingmut jong ka Sorkar halor ka koit ka khiah ki mrad, ka jingkiew shaphrang jong ki nongri jingri bad ka ioh ka kot ki nongkyndong ba shaniah halade.
Ka State Veterinary Hospital ba don mynta, kala shakri ia ka Meghalaya la bun sien, hynrei kala iakynduh jingeh namar ka jingrit ka jaka bad jingbym lah pynbiang ia ki tiar ki tar. Palat ia 25% ki mrad ba ai jingsumar man ka sngi ki dei kiba phah wan na kylleng ki bynta ka Jylla, ka dak aba shai ba donkam ia ka jaka ai jingsumar kaba heh, kaba khlain bad kaba long kat kum ka juk ba mynta.
Kane ka State Veterinary Hospital ba thymmai kan tyrwa ia ki jingsumar kat kum ka juk mynta, ki jingsumar da ki doktor specialist, ka radiology bad Imaginh, surgery, orthopaedics, inpatient services, laboratory bad pharmacy ki ban long baroh ka kawei ka tnum nalor ka 24×7 emergency care bad kiwei kiwei.
