Nongpoh, Risaw 09: Kawei ka longkmie ha ryngkat ka khun ksiew ba dang 3 snem ka rta ki la khlad na ka jingshah bat ha ka bording elektrik ha ka shnong Narang, Ri-Bhoi District.
Kane ka jingjia kala jia hadien ba u wei u sainar elektrik u la hap ha u wei u dieng snepkor ba la thung ha ka phyllaw jong katei ka longing.
Katei longkmie kaba la khlad noh ka dei kaba la tip kyrteng kum ka Kong Lut Shadap 53 snem ka rta.
Katei ka jingjia ka la jia hynne ka sngi U Blei por 12 baje eiei ha ka por ba baroh ki bahaïing ki dang leit jingïaseng.
Ka khubor ba iohlum ka iathuh ba I Khyllung ba dang lai snem ila ialehkai ha phyllaw khlem ka jingtip ia ka jinghap une u sainar bad ine I khyllung ila shah bat bording ha ka por ba ioh pyndei ia u sla bala par ka bording elektrik.
I Kong Lut haba iohi ia kane ka jingjia iala I jong I Khun Ksiew ila mareh ban leit ai jingiarap hynrei ka bording kala lympat lang ia i haduh ba poi sha ka jingiap.
Ki briew kiba iohi ïa katei ka jingjia, ki la pyrta shnong bad mar mar ki la pyrshang ban leit ïarap ban pynlip ïaka bording hynrei kaba sngewsih ka long ba kitei ki 2 ngut kila khlad noh na kane ka sla pyrthei
Ki Pulit bad ki heh ka MeECL haba ioh jingtip ia kane, kila leit mareh wut wut sha kane ka jaka ban pynlong ia ka jingtohkit.
