Shillong, Nailar 13: Ka Kynhun Myntri ka Meghalaya ha ka sngi Palei kala ai jingmynjur ia ki 3 tylli ki rai ban pynbha ia ka rukom ai jingshakri ia ki paitbah, ka jingkynshew tyngka bad ka jingthungkam ha ka jylla.
U Myntri Rangbah ka Jylla u Conrad K Sangma ula ong, ba ka Kynhun Myntri kala mynjur ia ka Automatic Appeal System na ka bynta kiba phah aplikeshon da kaba shu leh Online hapoh jong ka Meghalaya Right to Public Service Act, 2020.
Cabinet has approved an amendment to the Meghalaya Right to Public Services Act, 2020, to introduce an Automatic Appeal Mechanism for online applications under the Ease of Doing Business (Compliance Reduction and Deregulation) Initiative.
Under the new mechanism, if a notified… pic.twitter.com/7Dj233tCT3
— Conrad K Sangma (@SangmaConrad) August 13, 2026
“Shisien ba ka por ba la buh kala kut noh na ka bynta kano kano ka jingai jingshakri kaba dei ban pyndep na ka bynta ki nongshong shnong bad na kino kino ki daw ym shim la lah ban ai jingshakri, uno uno u nongshong shnong yn ym hap ban ujor. Kane ka jingujor kan sa urlong hi (automatically)” ong u Sangma.
“Kane kan pynthikna ba kane ka Ain kan nang pynkhlain shuh shuh bad ba ki paitbah kin ioh ia kaei kaba kidei hok ban ioh ha ka por kaba biang” ula bynrap.
Ka Kynhun Myntri kala pynjlan ruh ia ka por ban rejistar hapoh jongka Meghalaya Industrial and Investment Promotion Policy, 2024 sa shi snem.
“Kane ka por kala kut noh. Kumta ngi lah nang pynjlan shuh shuh sa shi snem ban ailad ia ki kompani ba kin wan ban kynshew tyngka bad ban shimkabu ia ki polis treikam” ong u Myntri Rangbah.
Ha kawei pat ka rai, ka sorkar kala pynkylla ia ka Meghalaya Commerce and Industries Service Rules, 2026 ban kyntiew ia ka rta jong ki kyrtong kiba dei ki riewlum ne Scheduled Tribe na ka 27 snem sha ka 32 snem ka rta.
“Kumba phi tip ka kynhun myntri kala rai ban kyntiew ia ka rta haduh 32 snem na ka bynta ki Scheduled Tribes jong ka jylla. Katei ka jingpynkylla ne Amendment hap ban shna da kine ki kyndon aiñ” ong u Conrad.
