Shillong, Nailar 13: U Myntri Rangbah ka Jylla Conrad K Sangma u la pyntip ba ka jingtrei pynheh ia ka surok liengsuin (runway) ka kad liengsuin Shillong Umroi Airport kala sdang mynta hadien ba dep ioh lut ia baroh ki jingbit (Clearance) kiba donkam.
Ia kane ka project ban pynheh iaka surok liengsuin ka Shillong Airport la buh ban pyndep hapoh 15 bnai bad la khmih lynti ba kan pyniasoh iaki lengsuin baheh sha kiwei ki nongbah ka ri India naduh u snem ban wan.
“Nga sngewkmen ban pynbna ba ka kam ban pynheh ia ka surok liengsuin ka Shillong Umroi Airport ka la sdang,” la ong u Conrad.
U Conrad la iathuh ba kane ka jingseisoh kadei hadien ba u wan dang shen ha Delhi na ka bynta ban pynbeit ia ki mat kiba dang sahteng.
“Ngi la don shibun ki jingeh, hynrei hadien ka jingiakren kaba bniah bad kumjuh ruh ka jingleit jong nga sha Delhi, la pynbeit ia kine ki kam,” ula ong.
Ka Sorkar ka khmih lynti ba ia ka kam yn pyndep shwa ka por ba la buh.
“Ngi khmih lynti ba kane ka kam kan sa dep hapoh ka 15 bnai ban wan, watla ngi kyrmen ba kan long kaba kham stet ban ia kata,” la ong u Conrad, whisien ba la dep, ki lengsuin kiba kham heh na kiwei ki nongbah ka ri kin lah ban poi sha Umroi Airport.
“Ha u snem ban wan, 2027, ngi kyrmen bad khmih lynti ba ki liengsuiñ kiba kham heh na kiwei ki nongbah kin hiar ha ka kad liengsuiñ Umroi,” ula bynrap.
 ka kad liengsuin Shillong Umroi Airport kala sdang mynta hadien ba dep ioh lut ia baroh ki jingbit (Clearance) kiba donkam.){kind=link}