Guwahati, Nailar 11: Ka jingkynnoh ba noh synñiang ₹85 lak sha ka Chief Minister’s Relief Fund mynta ka la kylla long ka jingdawa ia ka jingtohkit ba laitluid, ha kaba ka youth wing jong ka Raijor Dal ka la pan jingshai na ka Ophis u Myntri Rangbah ka Jylla halor ka tyllong jong ka pisa bad ka jingpynshisha ba la leh shwa ban pdiang ïa ka.
Ha ba kren bad ki lad pathai khubor ha ka Press Club ha Guwahati ha ka sngi Ba-ar, ki dkhot jong ka Jatiya Yuva Bahini ki la buh ïa lai tylli ki jingkylli ba kongsan: kaei ka jingpynshisha ba la pynlong da ka Ophis jong u Myntri Rangbah ka Jylla shwa ban pdiang ïa ka jingai sngewbha, kaei ka jingpynshisha ba la thoh ha kaba ïadei bad ka tyllong jong ka ₹85 lak tyngka bad balei ba la ai jingïarap da ki social media bad la ai ka jingithuh ia ka Abhigyan Bora bad hadien kata la weng noh ia ka Bora Foundation na ka social media page jong u CMO.
Ka seng ka la buh jingkylli ruh halor ka jingkynnoh jong u Bora ba u la shah pynrung ha ka thup ‘30 Under 30’ jong ka Forbes India, da kaba ong ba ym shym la lah ban lap ïa ka kyrteng jong u ha ka website jong ka Forbes India bad buh jingkylli ruh ïa ka jinglong hok jong kawei ka certificate kaba la ïathuh ba la pyni ha kaba ïadei bad kane ka jingkynnoh.Ia kine ki jingkynnoh ym shym la pynshisha da kaba laitluid.
Ka youth wing ka la buh jingkylli ruh halor ki jingkynnoh ba la thied ha ka kyrteng jong u Bora ha ka 1 tarik u Kyllalyngkot, 2024.Ka la kam ba ki invoice ki pyni ïa ka jingthied ïa ki 12 tylli ki mashin JCB kiba shongdor kumba ₹3.52 klur, ryngkat bad ki katto katne ki kali, kynthup ïa ki kali Land Rover kaba shongdor kumba ₹58.59 klur tyngka.
Ka seng ka la buh jingkylli kumno u samla uba dang 21 snem ka rta u lah ban kynnoh ba u thied ïa ki mar kiba shongdor palat ïa ka ₹60 klur bad hadien kata u lah ban noh synñiang ₹85 lak sha ka state’s relief fund.
“Nangno ka ₹85 lak ka wan?” la kylli ka seng, da kaba kyntu ia ka ophis jong u Myntri Rangbah ka Jylla ban pynlong ia kane ka kam kaba shai.
Shuh shuh ka youth wing ka la kynnoh ba ki briew na Lakhimpur bad ki jaka ba marjan ki la ai pisa bun bha sha u Bora ban khaii, la kynnoh ba ki la kular ba kin ioh biang ia ka jingmih kaba thikna, hynrei kim shym la ioh biang ia ka pisa jong ki.Ki jingkynnoh jong ki jingiaknieh pisa ym shym la pynshisha da kaba laitluid.
Ka seng ka la ong ba kine ki jingïakynad ba la kynnoh ki la ïoh jingïarap hadien ba ka CMO ka la kam ïa kane ka jingai sngewbha bad kyntu ïa u Myntri Rangbah ka Jylla bad ïa ka CMO ban wad bniah na kano ka tyllong jong ka ₹85 lak, kumjuh ruh ïa ki kam pisa tyngka jong ka Bora bad ka Bora Foundation.
Ka la dawa ruh ba ka CMO kan pynpaw ia ka rukom pynshisha ba la bud shwa ban pdiang ia ka jingnoh synniang.
Ka youth wing ka la kynnoh ba don ki briew kiba la kynnoh ba ki don ka jingïakynad ha ka liang ka pisa tyngka kaba ïadei bad ka Bora kiba sngew artatien ban leit sha ki bor synshar namar ki tieng ïa ka jingshah pyntieng.Kine ki jingkynnoh ki dang sah khlem da pynshisha.
“Kane kam dei tang ka jingkylli shaphang ka Abhigyan Bora”, la ong ka seng da kaba kynthoh ba ka sorkar ka dei ruh ban bishar bniah ïa kiwei pat ki jingai sngewbha kiba heh bad ïa ki jinglong jingman kiba don sawdong jong ki.
Ia ki jingkynnoh ba la pynpaw ha ka press conference ym shym la pynshisha ne pynshisha da kaba laitluid.Katba ka jingdawa jong ka youth wing jong ka Raijor Dal ka long ban don ka jingtohkit kaba shai halor katei ka jingai sngewbha, ka rukom pynshisha bad ki jingkynnoh kiba kham jylliew kiba don sawdong jong ka Bora.
