Shillong, Nailar: Haduh 186 ngut ki khynnah kynthei bad shynrang na ki 12 tylli ki district ka jylla, ki la iakhun ban ioh khur ia ki takma ksiar, rupa ne rnong ha ka Meghalaya State Archery Championship, ka Archery Association of Meghalaya (AAM), kaba la sdang ha ka sngi Ba-ar.
Kane ka lympung bala kyrshan da ka tnat jong ka Directorate of Sports & Youth Affairs ka sorkar jylla, kan neh haduh lai sngi bad kan kut ha ka 13 tarik Nailar.
Ia kane ka lympung la plie da i kong Isawanda Laloo (IAS) Secretary ka tnat Sports & Youth Affairs ka sorkar jylla, ha kaba la sakhi lang da nongaibuit (advicer) ka AAM, kong Matsiewdor Warnongbri (IAS), u General Secretary ka Meghaya State Olmpic Association bah Finely L. Pariat, President bad Secretary ka AAM bah P.B War Nongbri, Secretary bah Robinson Ryntathiang, Asst Director Sports & Youth Affairs bah Khrobok Passah, bad ia ka jingialang plie la pyniaid ia ka da u vice president ka AAM ma EMH Passah.
Shwa ka jingialang plie ka la don ruh ka jingpyniakhun ia ka Qualification Indian Round ka kyrdan ialehkai Sub Junior kynthei bad shynrang bad hadien ka jingialang plie la pynbud pat da ka jingpyniakhun ia ka Individual Elimination Kynthei bad Shynrang (Indian Round ) Sub Junior.
Haba kren kum ka kongsan, kong Isawanda Laloo i la ong ba ia mynta ka sorkar jylla bad ki synjuk ialehkai ki la don hapdeng ka jingpynkhreh naka bynta ka 39th National Games kaban long ha u snem u ban wan.
Haba phai sha ki mawmer ka AAM, kong Isawanda im lah ban khlem da pyrto ia ka jingsdang ban kiew jong kane ka jingialehkai hadien ba ki nongialehkai ka jylla ki la lah ban khur ia ki artylli ki takma ksiar na na 1st Khelo India Tribal Games bad I la pynpaw ruh ia ka jinglong ba la pynkhreh da ka sorkar jylla ban tei ia ki artylli ki shlem sain dur ba kyrpang (Centres of Excellence) kawei ha ri lum Garo bad ri lum Khasi-Jaintia.
Katba na ka liang nongaibuit jong ka AAM kong Matsiewdor War Nongbri (IAS), i la pynpaw ba ka lympung bah ialehkai Senior National Archery Championship kan sa wan ban long hangne hapoh ka jylla mynta ka snem.
Nalor katta i la wanrah ruh ia ka parom sah kynmaw kaba da kumno ba kane ka jingialehkai kaba la rim tam ha ka pyrthei, kaba haduh mynta mynne la lah ban iai pynim bad tei tad ha ki spah snem kiba kham shadien ba la ithuh pura ia ka kum ka jingialehkai da ka International Olympic Committee ha ki snem 1960.
Haba phai pat sha la ka jong ka jylla, u nongpynim bad ba pynneh ia kane ka jingialehkai dei u Bah Woodward Sohliya (bam kwai ha dwar U Blei) bad u nongsain dur ia ka Indian Round.
Na ka liang i kong Matsiewdor, i ai khublei ia u Myntri Rangbah ka jylla Conrad K Sangma bad kumjuh ia u Myntri ba dei khmih ia ka tnat Sports Sports and Youth Affairs, kiba la ailad ia ka AAM ba kan lah ba kan don mynta Ia ki coach kiba kynsai bad kumjuh ia ki performance directors lem bad ban ioh ban thied ia ki tiar ialehkai kum shi bynta ka jingpynkhreh naka bynta ka National Games.
, kaba la sdang ha ka sngi Ba-ar.){kind=link}