Shillong, Nailar 10 : Ka Khasi Students’ Union (KSU)-Shillong Mihngi Circle kala aipor shitaiew ia ka tnad Urban Affairs ba kan pynpra lut ia ki jingtei ba khlem ai jingbit (mandir) kaba don ha phyllaw ka Ophis CBI ha Mawdiangdiang, haba byrngem ban iakhih lada ym leh eiei.
U General Secretary Samuel Kharbani ula iathuh ba ka kynhun ka KSU kala iakynduh ia u Director ka Tnad Urban Affairs ha ka sngi Nyngkong hadien ka jingpynthikna ba ka jingbit ka dei kaba la ai tang ban shna ia ka Ophis bad ki jaka sah.
“Kat kum ka jubab, kam shym don kano kano ka jingai jingbit ia ka mandir. Ngi la kyntu ia u Director ba un pynpra noh ia ki jingtei ba khlem jingbit bad pynthikna ba ym dei ban iaid lait ia ka plan bala dep ai nyngkong” ong u samla Kharbani.
Kat kum ka jingong ka KSU, u Director ula pan por ban shong bishar ia kawei pa kawei ka mat halor kane ka kam.
“U Director ula pan por ban pule ia ka dorkhas jong ngi, khamtam ki mat ba iadei bad ka tnad Urban Affairs. Nab aka jaka ka dei kaba la ai da ka Tnad, ngi la ban jur ia ka Tnad Urban Affairs ban leh eiei” ong u samla Kharbani.
Ka Seng kala pyntip ba ka khlem leit iakynduh satia ia ki heh CBI namar ka jingbym treh iakynduh ha ka jingleit ba nyngkong.
Da ka jingpan por u Director, ka KSU kala buh ia ka por. “Ngi la aipor shitaiew. Lada kam leh eiei hapoh kane ka por, ngin sa pynlong da ka jingiakhih la kan long ha Ophis u Director lane ha Ophis ka CBI” ula ong.
-Shillong Mihngi Circle kala aipor shitaiew ia ka tnad Urban Affairs ba kan pynpra lut ia ki jingtei ba khlem ai jingbit (mandir) kaba don ha phyllaw ka Ophis CBI ha Mawdiangdiang, haba byrngem ban iakhih lada ym leh eiei.){kind=link}